പൊതുജനങ്ങൾക്കുള്ള ആർ.ബി.ഐയുടെ മുന്നറിയിപ്പ്

ഭാരതീയ റിസർവ് ബാങ്ക്, തിരുവനന്തപുരം റീജിയണൽ ഓഫീസിൽ രജിസ്റ്റർ ചെയ്തിട്ടുള്ള ബാങ്കിങ് ഇതര ധനകാര്യ സ്ഥാപനങ്ങളിൽ നാല് എണ്ണത്തിന് മാത്രമേ പൊതുജനങ്ങളിൽ നിന്നും ചില നിബന്ധനകൾക്ക് വിധേയമായി നിക്ഷേപം സ്വീകരിക്കാൻ ഉള്ള അനുമതി ഉള്ളു എന്ന് ആർ.ബി.ഐ സമീപകാല സംഭവവികാസങ്ങളുടെ പശ്ചാത്തലത്തിൽ പൊതുജനങ്ങൾക്ക് മുന്നറിയിപ്പ് നൽകുന്നു.

ബാക്കി 140 ബാങ്കിങ് ഇതരധനകാര്യസ്ഥാപനങ്ങൾ കാറ്റഗറി ബി കമ്പനികൾ ആയിട്ട് ആണ് രജിസ്റ്റർ ചെയ്തിട്ടുള്ളത് എന്നും അവയ്ക്കു പൊതുനിക്ഷേപം സ്വീകരിക്കാൻ ഉള്ള അനുമതി ഇല്ലെന്നും ഇതിനാൽ അറിയിച്ചു കൊള്ളുന്നു. ഇന്ത്യയിൽ പ്രവർത്തിക്കുന്നതും, ഭാരതീയ റിസർവ് ബാങ്കിൽ രജിസ്റ്റർ ചെയ്തിട്ടുള്ളതും ആയ കാറ്റഗറിഎ/ കാറ്റഗറി ബി കമ്പനികളുടെ ലിസ്റ്റ് https://www.rbi.org.in/Scripts/BS_NBFCList.aspx എന്ന ലിങ്കിൽ ലഭ്യം ആണ്.