ആർടിജിഎസ് മണി ട്രാൻസ്ഫർ സംവിധാനം നവീകരിക്കുന്നു; ഏപ്രിൽ 18 രാത്രി മുതൽ 14 മണിക്കൂർ പ്രവർത്തനരഹിതമാകുമെന്ന് ആർബിഐ

ന്യൂഡൽഹി: ആർടിജിഎസ് മണി ട്രാൻസ്ഫർ ഏപ്രിൽ 18 രാത്രി മുതൽ 14 മണിക്കൂർ പ്രവർത്തന രഹിതമാകുമെന്ന് ആർബിഐ അറിയിച്ചു. സാങ്കേതികമായ നവീകരണ പ്രവത്തനങ്ങൾ നടത്തുന്നതിനാലാണ് ആർടിജിഎസ് (റിയൽ ടൈം ഗ്രോസ് സെറ്റിൽമെന്റ്) പ്രവർത്തനരഹിതമാകുന്നത്. ഏപ്രിൽ 18 രാത്രി 12 മുതലാണ് നവീകരണം നടത്തുക.

അതേസമയം എൻഇഎഫ്ടി (നാഷനൽ ഇലക്ട്രോണിക് ഫണ്ട്‌സ് ട്രാൻസ്ഫർ) പ്രവർത്തനങ്ങൾ മുടങ്ങില്ലെന്നും ആർബിഐ ഇറക്കിയ നോട്ടിസിൽ അറിയിച്ചു. പണമിടപാടുകൾ നടത്തുന്നതുമായി ബന്ധപ്പെട്ട ക്രമീകരണങ്ങൾ ഇടപാടുകാരെ ബാങ്ക് അധികൃതർ അറിയിക്കുമെന്നും ആർബിഐ അറിയിച്ചു.