സുഹൃത്തുക്കൾക്കൊപ്പം വടംവലിച്ച് സാമന്ത; താരത്തിന്റെ വീഡിയോ സാമൂഹ്യ മാധ്യമങ്ങളിൽ തരംഗമാകുന്നു; ഏറ്റെടുത്ത് ആരാധകർ
ഹൈദരാബാദ്: പ്രേക്ഷകരുടെ പ്രിയപ്പെട്ട താരമാണ് സാമന്ത. സാമന്ത നായികയായി മികച്ച ചിത്രങ്ങൾ ഒട്ടേറെയുണ്ട്. സാമന്ത നായികയാകുന്ന പുതിയ ചിത്രം ശന്തരുബന്റെ സംവിധാനത്തിൽ അടുത്തിടെ പ്രഖ്യാപിച്ചിരുന്നു. ഇപോഴിതാ സാമന്ത വടംവലിക്കുന്നതിന്റെ വീഡിയോയാണ് സാമൂഹ്യ മാധ്യമങ്ങളിൽ തരംഗമാകുന്നത്.
സാമന്തയുടെ സുഹൃത്തും മോഡലുമായ ശിൽപ റെഡ്ഡിയാണ് വീഡിയോ ആദ്യം പങ്കുവെച്ചത്. സുഹൃത്തുക്കൾക്കൊപ്പം വടംവലി മത്സരത്തിൽ പങ്കെടുക്കുന്ന സാമന്തയെയാണ് വീഡിയോയിൽ കാണാനാകുന്നത്. സാമന്ത ചിരിക്കുന്നതും കേൾക്കാം. .
ഡ്രീം വാര്യർ പിക്‌ചേഴ്‌സാണ് ശന്തരുബ നിർമ്മിക്കുന്നത്. സാമന്ത നായികയാകുന്ന പുതിയ ചിത്രം തെലുങ്കിലും തമിഴിലുമായിട്ടുമാണ് എത്തുക. നായിക വേഷത്തിന് പ്രാധാന്യമുള്ള ചിത്രമായിരിക്കും ഇതെന്നാണ് പ്രതീക്ഷിക്കപ്പെടുന്നത്.
വിണ്ണൈത്താണ്ടി വരുവായ എന്ന ചിത്രത്തിൽ അതിഥി താരമായിട്ടാണ് സാമന്ത ആദ്യമായി വെള്ളിത്തിരിയിലെത്തുന്നത്. യാ മായ ചേസവേയെന്ന ചിത്രം തെലുങ്കിൽ വൻ ഹിറ്റായതോടെ നായികയെന്ന നിലയിൽ സാമന്തയ്ക്ക് തിരക്കേറി. മനം, അഞ്ചാൻ, കത്തി, തെരി, ജനത ഗാരേജ്, മേഴ്‌സൽ, മജിലി, നീതാനെ എൻ പൊൻവസന്തം, ഓട്ടോനഗർ സൂര്യ, 10 എൻഡ്രതുക്കുള്ള തുടങ്ങി ഒട്ടേറെ ഹിറ്റുകളിലാണ് സാമന്ത നായികയായത്.
