കൊച്ചി: പ്രേക്ഷക പ്രതീനേടി പ്രജീഷ് സെൻ ജയസൂര്യ ചിത്രം തിയേറ്ററിൽ മുന്നേറുമ്പോൾ ചിത്രത്തിനായി ബിജിബാൽ ഒരുക്കിയ പാട്ടുകളും പ്രേക്ഷക ഹൃദയം കീഴടക്കുകയാണ്. ഇതിൽ ഏറ്റവും ശ്രദ്ധനേടുകയാണ് ബിജിബാലിന്റെ സംഗീതത്തിൽ ഷഹബാസ് അമൻ ആലപിച്ച ആകാശമായവളെ എന്നു തുടങ്ങുന്ന ഗാനം. ഇപ്പോൾ ഗാനത്തെക്കുറിച്ച് ഹൃദയസ്പർശിയായ ഒരു കുറിപ്പുമായി എത്തിയിരിക്കുകയാണ് ഗായകനായ ഷഹബാസ് അമൻ.നിതീഷ് നടേരിയുടെതാണ് വരികൾ

പാട്ട് ബിജിപാലിന്റെ ഭാര്യ ശാന്തിക്കാണ് ഷഹബാസ് സമർപ്പിക്കുന്നത്. ഇത് പാടുമ്പോൾ ബിജി തന്നെയാണു ഉള്ളിലിരുന്ന് പാടുന്നതെന്ന് തോന്നിയെന്ന് ഷഹബാസ് പറഞ്ഞു.

ഷഹബാസിന്റെ ഫേസ്‌ബുക്ക് കുറിപ്പ് പൂർണരൂപം,

ഇത് പാടുമ്പോൾ ബിജി തന്നെയാണു ഉള്ളിലിരുന്ന് പാടുന്നതെന്ന് തോന്നി !

ചില നേരത്തെ ഉത്തരം കൊടുക്കാൻ കഴിയാത്ത അവന്റെ നോട്ടങ്ങൾ കൊണ്ടാണു ഇതിന്റെ പല കുനുപ്പുകളും പൂരിപ്പിച്ചത്! അത്കൊണ്ട് ഞങ്ങളുടെ തെളിഞ്ഞ ആകാശമേ..ശാന്തീ..ഇത് നിനക്കല്ലാതെ മറ്റാർക്ക് സമർപ്പിക്കാനാണു...??

പ്രിയ പ്രജേഷിന്റെ 'വെള്ള' ത്തോടൊപ്പം ഈ പാട്ട് കാണുകയും ചെയ്യുമല്ലൊ..

എല്ലാവരോടും സ്നേഹം...

ആകാശമായവളെ..ഫേസ്‌ബുക്ക് പോസ്റ്റ്ബിജിബാൽവെള്ളംഷഹബാസ് അമൻ