മികച്ചനേട്ടത്തിൽ വ്യാപാരം അവസാനിപ്പിച്ച് ഓഹരി വിപണി; സെൻസെക്‌സ് 38,799.08ലും നിഫ്റ്റി 11,466.50ലും ക്ലോസ് ചെയ്തു
മുംബൈ: മികച്ചനേട്ടത്തിൽ വ്യാപാരം അവസാനിപ്പിച്ച് ഓഹരി വിപണി. സെൻസെക്‌സ് 364.36 പോയന്റ് നേട്ടത്തിൽ 38,799.08ലും നിഫ്റ്റി 94.90 പോയന്റ് ഉയർന്ന് 11,466.50ലുമാണ് വ്യാപാരം അവസാനിപ്പിച്ചത്. ബിഎസ്ഇയിലെ 1,500 കമ്പനികളുടെ ഓഹരികൾ നേട്ടത്തിലും 1109 ഓഹരികൾ നഷ്ടത്തിലുമായിരുന്നു. 136 ഓഹരികൾക്ക് മാറ്റമില്ല. സീ എന്റർടെയ്ന്മെന്റ്, കൊട്ടക് മഹീന്ദ്ര ബാങ്ക്, ഇൻഡസിന്റ് ബാങ്ക്, ബജാജ് ഫിനാൻസ്, എച്ച്ഡിഎഫ്‌സി ബാങ്ക് തുടങ്ങിയ ഓഹരികളാണ് പ്രധാനമായും നേട്ടമുണ്ടാക്കിയത്.
പവർഗ്രിഡ് കോർപ്, ടെക് മഹീന്ദ്ര, അദാനി പോർട്‌സ്, എംആൻഡ്എം, ഹിൻഡാൽകോ തുടങ്ങിയ ഓഹരികൾ നഷ്ടത്തിലുമായിരുന്നു. ബാങ്ക്, വാഹനം, എഫ്എംസിജി, ലോഹം തുടങ്ങിയ വിഭാഗങ്ങളിലെ സൂചികകൾ നേട്ടമുണ്ടാക്കി. ഐടി, ഫാർമ സൂചികകൾ നഷ്ടത്തിലുമാണ് ക്ലോസ് ചെയ്തത്. ബിഎസ്ഇ മിഡ് ക്യാപ് സൂചിക 0.4ശതമാനവും സ്‌മോൾ ക്യാപ് സൂചിക 1.6ശതമാനവും ഉയർന്നു.
