ബുധനാഴ്‌ച്ച മുതൽ ശ്രീപത്മനാഭ സ്വാമി ക്ഷേത്രത്തിൽ ഭക്തർക്ക് പ്രവേശനം; അനുവാദം ലഭിക്കുക തലേന്ന് ബുക്ക് ചെയ്യുന്നവർക്ക്

തിരുവനന്തപുരം: ശ്രീപത്മനാഭ സ്വാമി ക്ഷേത്രത്തിലേക്ക് ഭക്തർക്ക് പ്രവേശനം നൽകാൻ തീരുമാനം. അടുത്ത ബുധനാഴ്ച മുതൽ ഭക്തർക്ക് പ്രവേശനം നൽകാനാണ് തീരുമാനിച്ചിട്ടുള്ളത്. തലേ ദിവസം മുൻകൂട്ടി ബുക്ക് ചെയ്തവർക്കാണ് ക്ഷേത്രത്തിലേക്ക് പ്രവേശനം ഉണ്ടാകുക എന്നാണ് അറിയിപ്പ്. രാവിലെ 8 -30 മുതൽ 11.15 വരെയും വൈകിട്ട് 4 30 മുതൽ 6.15 വരെയുമാണ് പ്രവേശനം അനുവദിക്കുക. പത്ത് മിനിറ്റ് കൊണ്ട് 35 പേർക്ക് ക്ഷേത്ര ദർശനം കഴിഞ്ഞിറങ്ങാവുന്ന വിധത്തിലാണ് ക്രമീകരണം.