കൊച്ചി: ശരീര സംരക്ഷണത്തിൽ ഒട്ടും വിട്ടുവീഴ്‌ച്ചയ്ക്ക് തയ്യാറാകാത്തവരാണ് മലയാള സിനിമാ താരങ്ങൾ. പലപ്പോഴും തങ്ങളുടെ ഫിറ്റ്‌നസിന്റെ രഹസ്യങ്ങളും ഫോട്ടോസും ആരാധകർക്കായി താരങ്ങൾ പങ്കുവയ്ക്കാറുണ്ട്. ഇവയെല്ലാം ശ്രദ്ധനേടാറുമുണ്ട്. ഇപ്പോഴിതാ സുരഭി ലക്ഷ്മിയുടെ ഫിറ്റ്‌നസ് ഫോട്ടോസാണ് സമൂഹമാധ്യമങ്ങളിൽ വൈറൽ ആയിരിക്കുന്നത്.

ജിമ്മിൽ വർക്കൗട്ട് ചെയ്യുന്ന ചിത്രങ്ങളാണ് താരം പങ്കുവച്ചിരിക്കുന്നത്. താരത്തിന്റെ പുത്തൻ മേക്കോവർ കണ്ട് ആരാധകർ അമ്പരന്ന് നിൽക്കുകയാണ്. നിരവധി പേരാണ് താരത്തെ അഭിനന്ദിച്ച് കൊണ്ട് രംഗത്തെത്തുന്നത്. നേരത്തെയും താരം കിടിലൻ മെയ്‌ക്കോവർ കൊണ്ട് ആരാധകരെ ഞെട്ടിച്ചിട്ടുണ്ട്.

അനൂപ് മേനോൻ സംവിധാനം ചെയ്യുന്ന പത്മ ആണ് സുരഭി ലക്ഷ്മിയുടെ റിലീസിന് തയ്യാറെടുക്കുന്ന ഏറ്റവും പുതിയ ചിത്രം. ഒരു വലിയ നഗരത്തിന്റെ പശ്ചാത്തലത്തിൽ നടക്കുന്ന കഥ പറയുന്ന 'പത്മ'യിലെ നായകൻ അനൂപ് മേനോൻ ആണ്. കഥ, തിരക്കഥ, സംഭാഷണമെഴുതി സിനിമ സംവിധാനം ചെയ്യുന്നതും അനൂപ് മേനോൻ തന്നെ. അനൂപ് മേനോൻ സ്റ്റോറീസിന്റെ ബാനറിൽ നിർമ്മിക്കുന്ന ഈ ചിത്രത്തിൽ ശങ്കർ രാമകൃഷ്ണൻ, മെറീന മൈക്കിൾ എന്നിവരാണ് മറ്റു താരങ്ങൾ.

 

ഫിറ്റനസ്ഫോട്ടോസ്‌മേക്കോവർസുരഭി ലക്ഷ്മി