തിരുവനന്തപുരം നഗരസഭാ കൗൺസിലർ കോവിഡ് ബാധിച്ച് മരിച്ചു; വിട പറഞ്ഞത് വെട്ടുകാട് വാർഡ് കൗൺസിലർ സാബു ജോസ്

തിരുവനന്തപുരം: തിരുവനന്തപുരം നഗരസഭാ കൗൺസിലർ കോവിഡ് ബാധിച്ച് മരിച്ചു. വെട്ടുകാട് വാർഡ് കൗൺസിലർ സാബു ജോസ് ആണ് മരിച്ചത്. കോവിഡ് ബാധിച്ച് തിരുവനന്തപുരം മെഡിക്കൽ കോളജിൽ ചികിത്സയിലായിരുന്നു. ആരോഗ്യനില വഷളായതോടെ വെന്റിലേറ്ററിന്റെ സഹായത്തോടെ ചികിത്സ തുടരുന്നതിനിടെയാണ് അന്ത്യം.

സംസ്‌കാരം വൈകീട്ട് തിരുവനന്തപുരം ശാന്തി കവാടത്തിൽ നടക്കും. സാബുവിന്റെ നിര്യാണത്തിൽ മേയർ ആര്യ എസ് രാജേന്ദ്രൻ അനുശോചനം രേഖപ്പെടുത്തി. അവിവാഹിതനാണ്.