കർഷക പ്രക്ഷോഭത്തിന് ഐക്യദാർഢ്യം; യുഡിഎഫിന്റെ രാജ്ഭവൻ മാർച്ച് നാളെ

തിരുവനന്തപുരം: കർഷക പ്രക്ഷോഭത്തിന് ഐക്യദാർഡ്യം പ്രഖ്യാപിച്ച് കൊണ്ട് നാളെ യുഡിഎഫിന്റെ രാജ്ഭവൻ മാർച്ച്. യു.ഡി.എഫിന്റെ ആഭിമുഖ്യത്തിൽ രാജ്ഭവനിലേക്ക് മാർച്ചും ധർണ്ണയും സംഘടിപ്പിക്കുമെന്ന് കൺവീനർ എം.എം.ഹസൻ അറിയിച്ചു. മാനവീയം വീഥിയിൽ നിന്നാരംഭിക്കുന്ന മാർച്ചിൽ യു.ഡി.എഫ്. നേതാക്കൾക്ക് പുറമേ, എംപിമാർ എംഎൽഎമാർ യു.ഡി.എഫിന്റെ വിവിധ കർഷക സംഘടനകളുടെ പ്രതിനിധികൾ എന്നിവർ പങ്കെടുക്കും. മാർച്ചും ധർണ്ണയും പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും.