ഫോമാ ഇന്റര്‍നാഷണല്‍ കണ്‍വെന്‍ഷനില്‍ ശ്രദ്ധേയമായി ബോഡി ബില്‍ഡിംഗ് പ്രോഗ്രാം
ഡോ. മധു നമ്പ്യാര്‍ വാഷിംങ്ടണ്‍: പുന്റ കാന ഡൊമിനിക്കന്‍ റിപ്പബ്ലിക്കില്‍ നടന്ന ഫോമാ ഇന്റര്‍നാഷണല്‍ കണ്‍വെന്‍ഷനില്‍ ഏവരുടെയും ശ്രദ്ധ പിടിച്ചു പറ്റി ബോഡി ബില്‍ഡിംഗ് പ്രോഗ്രാം. മറ്റു കണ്‍വെന്‍ഷനുകളില്‍ കാണാത്ത ബോഡി ബില്‍ഡിംഗ് പ്രോഗ്രാം വേദിയില്‍ എത്തിയതോടെ ഫോമാ ഇന്റര്‍നാഷണല്‍ കണ്‍വെന്‍ഷന്‍ വ്യത്യസ്തമായി. മിസ്റ്റര്‍ അയര്‍ലന്‍ഡ് ആയി തിരഞ്ഞെടുക്കപ്പെട്ട ആഷ്ലി സജിത് കുമാറാണ് ഗാല ഡിന്നര്‍ സമയത്ത് കാണികള്‍ക്കു മുന്‍പില്‍ അതുല്യ പ്രകടനം കാഴ്ച വച്ചത്. ലോകപ്രശസ്തനായ ഒരു ബോഡി ബില്‍ഡറുടെ മസില്‍ ഷോ എന്നത് കണ്ടിരുന്നവര്‍ക്കൊക്കെ […]
ഡോ. മധു നമ്പ്യാര്‍
വാഷിംങ്ടണ്‍: പുന്റ കാന ഡൊമിനിക്കന്‍ റിപ്പബ്ലിക്കില്‍ നടന്ന ഫോമാ ഇന്റര്‍നാഷണല്‍ കണ്‍വെന്‍ഷനില്‍ ഏവരുടെയും ശ്രദ്ധ പിടിച്ചു പറ്റി ബോഡി ബില്‍ഡിംഗ് പ്രോഗ്രാം. മറ്റു കണ്‍വെന്‍ഷനുകളില്‍ കാണാത്ത ബോഡി ബില്‍ഡിംഗ് പ്രോഗ്രാം വേദിയില്‍ എത്തിയതോടെ ഫോമാ ഇന്റര്‍നാഷണല്‍ കണ്‍വെന്‍ഷന്‍ വ്യത്യസ്തമായി.
മിസ്റ്റര്‍ അയര്‍ലന്‍ഡ് ആയി തിരഞ്ഞെടുക്കപ്പെട്ട ആഷ്ലി സജിത് കുമാറാണ് ഗാല ഡിന്നര്‍ സമയത്ത് കാണികള്‍ക്കു മുന്‍പില്‍ അതുല്യ പ്രകടനം കാഴ്ച വച്ചത്. ലോകപ്രശസ്തനായ ഒരു ബോഡി ബില്‍ഡറുടെ മസില്‍ ഷോ എന്നത് കണ്ടിരുന്നവര്‍ക്കൊക്കെ നവ്യാനുഭവമായി മാറി.
ബോഡി ബില്‍ഡിംഗ് എന്നത് ശരീരഘടനക്കും അപ്പുറം ഒരു വ്യക്തിയുടെ ശാരീരികക്ഷമത, ആരോഗ്യം, വ്യക്തിഗത വികസനം എന്നിവയോടൊക്കെയുള്ള സമഗ്ര സമീപനമാണ്. ബോഡിബില്‍ഡര്‍മാര്‍ പലപ്പോഴും തീവ്രമായ വ്യായാമങ്ങളിലൂടെയും കര്‍ശന ഭക്ഷണക്രമങ്ങളിലൂടെയും തങ്ങളുടെ ശരീരത്തെ മാറ്റിയെടുക്കാന്‍ വര്‍ഷങ്ങളോളം ചെലവഴിക്കുന്നു. പരിചയസമ്പന്നനായ ഒരു ബോഡിബില്‍ഡര്‍ പോസ് ചെയ്യുന്നതില്‍ പോലും പ്രത്യേകതകളുണ്ട്. ബോഡി ബില്‍ഡിംഗ് പോസുകളിലൂടെ ശരീരഘടന, പോഷകാഹാരം, മാനസിക ശക്തി എന്നിവയുടെ പ്രാധാന്യം കാണികള്‍ക്ക് കൃത്യമായി മനസിലാകും.
പോസ് ചെയ്യലും അവതരണവും ബോഡി ബില്‍ഡിംഗിന്റെ ഭാഗങ്ങളാണ്. ഒരു ബോഡി ബില്‍ഡര്‍ തന്റെ ശരീരത്തിന്റെ ശക്തികളെ ഉയര്‍ത്തിക്കാട്ടുകയും അവരുടെ ശരീരം മികച്ച രീതിയില്‍ കാണിക്കുകയും ചെയ്യാന്‍ കൃത്യമായ പോസുകള്‍ തിരഞ്ഞെടുക്കുന്നു. സ്വയം അവതരണത്തിന്റെ പ്രാധാന്യവും കഠിനാധ്വാനത്തില്‍ നിന്നുള്ള ആത്മവിശ്വാസവും ഇത് പഠിപ്പിക്കുന്നു. ആരോഗ്യത്തോടെയിരിക്കുക എന്നതിന്റെ അര്‍ത്ഥം എന്താണെന്ന് ബോഡി ബില്‍ഡിംഗ് നമുക്ക് മനസിലാക്കി തരുന്നു. മാത്രമല്ല, പല ശരീരഘടനകളെ മനസിലാക്കാനും ജീവിത്തെക്കുറിച്ചുള്ള കാഴ്ചപ്പാട് തന്നെ മാറ്റാനും അത് സഹായിച്ചേക്കും.
