വടകര എൻ ആർ ഐ കൂട്ടായ്മ 19 ആം വാർഷികം ആഘോഷിച്ചു

ദുബായ്: വടകര എൻ ആർ ഐ കൂട്ടായ്മ 19ആം വാർഷികം ആഘോഷിച്ചു. ചടങ്ങ് അഡ്വ സാജിദ് അബുബക്കർ കേക്ക് മുറിച്ചു ഉൽഘാടനം ചെയ്തു.

ഒരു ചങ്ങലപോലെ കോർത്തിണക്കിയ 19 വർഷങ്ങൾ. ഇതിനിടയിൽ കണ്ടെത്തിയ പറഞ്ഞു തീർക്കാൻ കഴിയാത്ത വിലയേറിയ സൗഹൃദങ്ങൾ. 2002 നവംബർ 01 ന് രൂപീകരിച്ച , വടകര പാർലിമെന്റി പരിധിയിൽ വരുന്ന ആളുകൾക്കിടെ , ജാതിമത രാഷ്ടീയത്തിനതീതമയി രുപം കൊടുത്ത വടകര എൻ ആർ ഐ കൂട്ടായ്മ എല്ലാ പ്രതിസന്ധികളെയും മറികടന്നു ഈ കോവിഡു കാലം അടക്കം സേവന നിരതമായി മുന്നോട്ട് പോകുന്നു.

സംഘടനയുടെ പുതിയ കമ്മറ്റിയും നിലവിൽ വന്നു. അസീസ്സ് പുറമേരി (പ്രസിഡന്റ്), സുഷികുമാർ (കുട്ടൻ) (ജന. സെക്രട്ടറി), മൊയ്തു കുറ്റ്യാടി(ട്രെഷറർ) എന്നിവരെ യോഗം തെരെഞ്ഞെടുത്തു.