കർണാടകയിൽ വിവാഹ സത്കാരത്തിനിടെ ഭക്ഷ്യവിഷബാധ; വിഷബാധയേറ്റ 50 ഓളം പേർ ആശുപത്രിയിൽ ചികിത്സയിൽ; തുടർനടപടികൾ ശക്തമാക്കി ആരോഗ്യവകുപ്പ്

ശിവമൊഗ്ഗ: കർണാടകയിലെ ശിവമൊഗ്ഗയിൽ വിവാഹ ചടങ്ങിൽ പങ്കെടുത്ത 50ലധികം പേർക്ക് ഭക്ഷ്യവിഷബാധയേറ്റു. അലട ഹള്ളി ഗ്രാമത്തിലെ വിവാഹ സൽക്കാരത്തിനിടെയാണ് സംഭവം. ഇവർ ജില്ല ആശുപത്രിയിൽ ചികിത്സയിലാണ്. ദേഹാസ്വാസ്ഥ്യവും ഛർദിയും അനുഭവപ്പെട്ടവരെയാണ് ആശുപത്രയിൽ പ്രവേശിപ്പിച്ചതെന്ന് മെഡിക്കൽ സൂപ്രണ്ട് ഡോ. ശ്രീധർ പറഞ്ഞു.

ചികിത്സയിലുള്ളവരുടെ ആരോഗ്യ നില തൃപ്തികരമാണ്. ആരോഗ്യ വകുപ്പ് തുടർനടപടികൾ ശക്തമാക്കി. വ്യാഴാഴ്ചയും വെള്ളിയാഴ്ചയും രാത്രിയിൽ നടന്ന ഭക്ഷണ സൽക്കാരത്തിൽ നൂറിലധികം പേർ പങ്കെടുത്തിരുന്നു.