സഹകരണ ബാങ്കിൽ മുക്കുപണ്ട പണയ തട്ടിപ്പ്: കണ്ണുരിൽ മഞ്ചേരി സ്വദേശികളായ രണ്ടു പേർ അറസ്റ്റിൽ

കണ്ണൂർ: സഹകരണ ബാങ്കുകൾ കേന്ദ്രീകരിച്ച് എട്ടു പവന്റെ മുക്കുപണ്ട പണയ തട്ടിപ്പ് നടത്തിയ കേസിൽ കണ്ണൂരിൽ രണ്ട് പേർ അറസ്റ്റിൽ '' മഞ്ചേരി സ്വദേശികളായ രണ്ടു പേരെയാണ് കണ്ണൂർ ടൗൺ പൊലിസ് അറസ്റ്റു ചെയ്ത് കഴിഞ്ഞ സെപ്റ്റംബർ ഒൻപതിന് ചൊവ്വ സഹകരണ ബാങ്കിൽ നാലു പവനും കഴിഞ്ഞ ദിവസം എളയാവൂർ സഹകരണ ബാങ്കി ലുമാണ് ഇവർ സ്വർണപ്പണയ തട്ടിപ്പ് നടത്തിയത്.

മഞ്ചേരി മുല്ലപ്രയിലെ കെ.എസ് റിജേഷ് (40) ബി.എസ്.എൻ.എൽ ക്വാർട്ടേഴ്‌സിന് സമീപമുള്ള നിധീഷ് (44) എന്നിവരാണ് പിടിയിലായത്.ഇവരുടെ കൂട്ടുപ്രതിയായ സിദ്ദിഖ് എന്നയാളെ പിടികിട്ടാനുണ്ട്.പ്രതികൾ കഴിഞ്ഞ കുറെക്കാലമായി മേലെചൊവ്വ വാട്ടർ ടാങ്കിനു സമീപത്തു താമസിച്ചു വരികയായിരുന്നു.ബാങ്ക് സെക്രട്ടറിമാർ നൽകിയ പരാതിയിൽ കണ്ണുർ എസ്.എച്ച്.ഒ ശ്രീജിത്ത് കോടേരി നടത്തിയ അന്വേഷണത്തിലാണ് ഇവർ പിടിയിലായത്.അറസ്റ്റിലായവരെ ചോദ്യം ചെയ്തതിനു ശേഷം കണ്ണൂർ കോടതിയിൽ ഹാജരാക്കി റിമാൻഡ് ചെയ്തു.