വിവാഹത്തിന് കൊഴുപ്പേക്കാൻ പൊട്ടിച്ചത് പടക്കം; പണികിട്ടയത് പാവം വരനും; പടക്കത്തിന്റെ ശബ്ദത്തിൽ പേടിച്ച് വരനെയും കൊണ്ടെത്തിയ കുതിര ഓടിയത് കിലോ മീറ്ററുകൾ; വരനെ രക്ഷിക്കാൻ പിന്നാലെ ഓടി ബന്ധുക്കളും; വൈറൽ വീഡിയോ
കാലം മാറുന്നതിനനുസരിച്ച് വിവാഹത്തിന്റെ കെട്ടിലും മട്ടിലും ഒക്കെ മാറ്റങ്ങൾ വരികയാണ്. ചിലതൊക്കെ വിവാഹത്തെ ആഘോഷമാക്കുമ്പോൾ മറ്റ് ചിലതൊക്കെ ആ ചടങ്ങിന്റെ ശോഭ തന്നെ കെടുത്തുന്നതാണ്.അത്തരത്തിൽ വിവാഹത്തിന് കൊഴുപ്പേകാൻ നടത്തിയ ഒരു പണിമൂലം മുട്ടൻ പണികിട്ടിയത് പാവം വരനും..
സംഭവം ഇങ്ങനെ..ഒരു പെൺകുതിരയുടെ പുറത്തിരുന്ന് കൊണ്ട് വരുന്ന വരനെയാണ് വീഡിയോയിൽ ആദ്യം കാണുന്നത്. എന്നാൽ, സ്ഥലത്ത് അപ്രതീക്ഷിതമായി പടക്കം പൊട്ടിയപ്പോൾ പേടിച്ചുപോയ കുതിര വരനെയും കൊണ്ട് ഓടിപ്പോയി. ഇൻസ്റ്റഗ്രാമിലാണ് വീഡിയോ പങ്കുവച്ചിരിക്കുന്നത്. വീഡിയോയിൽ കുതിര വരനെയും കൊണ്ട് വിവാഹം നടക്കുന്നയിടത്തേക്ക് വരുന്നത് കാണാം. എന്നാൽ, അവിടെ വച്ച് പടക്കം പൊട്ടിച്ചു. എന്നാൽ, ഇതിന്റെ ശബ്ദം കേട്ട കുതിര പേടിച്ചരണ്ട് അവിടെ നിന്നും വരനെയും പുറത്ത് വച്ച് ഓടിപ്പോവുകയാണ്.
ആദ്യം എല്ലാവരും പ്രതീക്ഷിക്കുന്നത് കുതിര നിൽക്കും എന്നാണ്. എന്നാൽ, കുതിര അവിടെ ഒന്നും നിന്നില്ല. അത് വരനുമായി ഓടിപ്പോയി. ദൂരേക്ക് ഓടിപ്പോകുന്ന കുതിരയെ വീഡിയോയിൽ കാണാം. എങ്ങനെയെങ്കിലും വരനെ താഴെ ഇറക്കാൻ വേണ്ടി പാഞ്ഞു പോകുന്ന ആളുകളെയും അന്തംവിട്ടുപോയ ആളുകളെയും ഒക്കെ വീഡിയോയിൽ കാണാം. ''ദുൽഹേ കി വിദായ്'' എന്ന അടിക്കുറിപ്പോടെയുള്ള ക്ലിപ്പ്, വരനെ രക്ഷിക്കാൻ വിവാഹ അതിഥികൾ വരിന്റെ പുറകെ ഓടുന്നതോടെയാണ് അവസാനിച്ചത്.
രണ്ട് മില്ല്യണിലധികം ആളുകൾ വീഡിയോ കണ്ടു കഴിഞ്ഞു. നിരവധിപ്പേരാണ് വീഡിയോയ്ക്ക് കമന്റുകൾ നൽകിയത്. അതിൽ പല കമന്റുകളും രസകരമാണ്. കുതിരയ്ക്ക് വരനെ ഇഷ്ടപ്പെട്ടു എന്നും അതുകൊണ്ടാണ് കുതിര വരനുമായി അവിടെ നിന്നും ഓടിപ്പോയത് എന്നുമാണ് ഒരാൾ കമന്റ് നൽകിയിരിക്കുന്നത്.
എന്നാൽ, പടക്കം പൊട്ടി എന്നത് ഒരു കാരണമായി എന്ന് മാത്രമേയുള്ളൂ വരന് വിവാഹത്തിന് താല്പര്യം കാണില്ല എന്ന് തമാശയായി എഴുതിയവരും ഉണ്ട്. ഏതായാലും വളരെ ഗൗരവമായി വിഷയത്തെ കണ്ടവരും ഉണ്ട്. മൃഗങ്ങൾക്ക് ഇത്തരത്തിലുള്ള ശബ്ദങ്ങൾ ഭയമാണ് എന്നും പടക്കം പൊട്ടിക്കുന്നത് പോലെയുള്ള സംഭവങ്ങൾ അവയോട് നടത്തുന്ന ദ്രോഹമാണ് എന്ന് പറഞ്ഞവരും ഉണ്ട്.
