ശൈത്യകാല ഒളിമ്പിക്‌സിനും കാണികൾക്ക് പ്രവേശനമില്ല; പൊതുജനങ്ങൾക്കുള്ള ടിക്കറ്റ് വിൽപന ചൈന റദ്ദാക്കി; നിലവിൽ പ്രവേശനം ക്ഷണിക്കപ്പെട്ട അതിഥികൾക്ക് മാത്രം

ബെയ്ജിങ്: കോവിഡ് വ്യാപനം മൂലം പൊതുജനങ്ങൾക്കുള്ള ശൈത്യകാല ഒളിമ്പിക്സ് ടിക്കറ്റ് വിൽപന പദ്ധതി ചൈന റദ്ദാക്കി. കോവിഡ് വ്യാപനം കണക്കിലെടുത്ത് പൊതുജനങ്ങളെ പരമാവധി ഒളിമ്പിക്സ് വേദിയിൽ നിന്ന് മാറ്റി നിർത്തുന്നതിനുവേണ്ടിയാണ് ചൈന ഈ തീരുമാനം കൈക്കൊണ്ടത്.

ക്ഷണം സ്വീകരിച്ചെത്തുന്നവർക്ക് മാത്രമാണ് നിലവിൽ വേദിയിലേക്ക് പ്രവേശനം അനുവദിച്ചിരിക്കുന്നത്. എ.എഫ്.പി യാണ് ഈ വാർത്ത റിപ്പോർട്ട് ചെയ്തത്. ലോകമെമ്പാടും കോവിഡ് കേസുകൾ കുതിച്ചയുർന്നതോടെ ഒളിമ്പിക്സിലും കൂടുതൽ നിയന്ത്രണങ്ങൾ വന്നേക്കും. നിലവിലെ സാഹചര്യത്തിൽ ഒളിമ്പിക്സുമായി മുന്നോട്ട് പോകാനുള്ള ശ്രമത്തിലാണ് ചൈന.

ഫെബ്രുവരി നാലുമുതൽ 20 വരെയാണ്‌ശൈത്യകാല ഒളിമ്പിക്സ് നടക്കുക. ചൈനയുടെ ആസ്ഥാനമായ ബെയ്ജിങ്ങാണ് ഒളിമ്പിക്സിന് വേദിയാകുന്നത്.