മധ്യപ്രദേശിൽ 10, 12 ക്ലാസുകളിലെ വിദ്യാർഥികൾക്ക് ഉടൻ ക്ലാസുകൾ ആരംഭിക്കും; ഒന്ന് മുതൽ എട്ട് വരെയുള്ളവർക്ക് ഉടൻ ക്ലാസുകൾ ആരംഭിക്കില്ലെന്നും മുഖ്യമന്ത്രി ശിവരാജ് സിംഗ് ചൗഹാൻ
- Share
- Tweet
- Telegram
- LinkedIniiiii
ഭോപ്പാൽ: മധ്യപ്രദേശിൽ 2021 മാർച്ച് 31 വരെ ഒന്ന് മുതൽ എട്ട് വരെയുള്ള ക്ലാസുകൾ തുറക്കില്ലെന്ന് മുഖ്യമന്ത്രി ശിവരാജ് സിംഗ് ചൗഹാൻ. വിദ്യാഭ്യാസ മന്ത്രിയുമായുള്ള അവലോകന യോഗത്തിനുശേഷമാണ് അദ്ദേഹം ഇക്കാര്യം അറിയിച്ചത്. ഒന്ന് മുതൽ എട്ട് വരെയുള്ള ക്ലാസുകളിലെ കുട്ടികൾക്ക് പരീക്ഷകൾ നടത്തില്ല. പകരം ഇവരുടെ പ്രോജക്ടുകൾ വിലയിരുത്തും. 10, 12 ക്ലാസുകളിലെ വിദ്യാർഥികൾക്ക് പരീക്ഷകൾക്കായി ഉടൻ ക്ലാസുകൾ ആരംഭിക്കുമെന്നും അദ്ദേഹം പറഞ്ഞു. ഒൻപത്, 11 ക്ലാസുകളിലെ വിദ്യാർഥികൾക്കായി ആഴ്ചയിൽ ഒന്നോ രണ്ടോ ദിവസവും ക്ലാസുകൾ നടത്തുമെന്ന് അദ്ദേഹം അറിയിച്ചു. കോവിഡ് മാർഗ നിർദേശങ്ങൾ പാലിച്ചായിരിക്കും ക്ലാസുകൾ ആരംഭിക്കുക.
മറുനാടന് ഡെസ്ക്