ഒറ്റപ്പാലത്ത് ആനയുടെ അടിയേറ്റ് പാപ്പാൻ മരിച്ചു; ആന അടിച്ചുതെറിപ്പിച്ചത് മരുന്ന് നൽകുന്നതിനിടെ; മരണപ്പെട്ടത് പത്തിരിപ്പാല സ്വദേശിയായ ഒന്നാം പാപ്പാൻ

ഒറ്റപ്പാലം: മനിശ്ശേരിയിൽ ആന പാപ്പാനെ അടിച്ചു കൊന്നു. പത്തിരിപ്പാല സ്വദേശി വിനോദ് ആണു മരിച്ചത്. 30 വയസ്സായിരുന്നു. രാവിലെ ഏഴരയോടെ മനിശേരിയിലെ സ്വകാര്യ വളപ്പിലായിരുന്നു ദാരുണസംഭവം.

മരുന്ന് കൊടുക്കുന്നതിനിടെ മൂത്തുകുന്നം പത്മനാഭൻ എന്ന ആനയാണ് ഒന്നാം പാപ്പാനെ കൊമ്പുകൊണ്ട് അടിച്ചുതെറിപ്പിച്ചതെന്നു പൊലീസ് പറഞ്ഞു. മൃതദേഹം കണ്ണിയംപുറത്തെ സ്വകാര്യ ആശുപത്രി മോർച്ചറിയിലേക്കു മാറ്റി.