ഗോവയിൽ നിന്നും കടത്തിയ 135 കുപ്പി വിദേശമദ്യം വടകര റെയിൽവേ സ്റ്റേഷനിൽ പിടികൂടി

കോഴിക്കോട്: വടകര റെയിൽവേ സ്റ്റേഷനിൽ നിന്നും ഗോവയിൽ നിന്നും കടത്തുകയായിരുന്ന 135 കുപ്പി വിദേശ മദ്യം പിടികൂടി. വടകര എക്സൈസ് പാർട്ടിയും വടകര റെയിൽവെ പ്രൊട്ടക്ഷൻ ഫോഴ്‌സും സംയുക്തമായി നടത്തിയ പരിശോധനയിലാണ് അനധികൃതമായി കടത്തുകയായിരുന്ന മദ്യം പിടികൂടിയത്.

വടകര റെയിൽവെ സ്റ്റേഷനിൽ നടത്തിയ പരിശോധനയിലാണ് 135 കുപ്പികളിലായി 71.625 ലിറ്റർ ഗോവൻ വിദേശമദ്യം പിടിച്ചെടുത്തത്. റെയിഡിന് വടകര എക്‌സൈസ് റെയ്ഞ്ച് ഓഫീസിലെ അസി .എക്സൈസ് ഇൻസ്‌പെക്ടർ വി.വിപിൻ കുമാറും വടകര റെയിൽവെ പ്രൊട്ടക്ഷൻ ഫോഴ്‌സിലെ അസി . സബ് ഇൻസ്‌പെക്ടർ ബിനീഷ്. പി പി യും എക്‌സൈസ് ഇന്റലിജൻസ് ബ്യൂറോയിലെ പ്രിവന്റീവ് ഓഫീസർ പ്രമോദ് പുളിക്കൂലും പാർട്ടിയും റെയ്ഡിന് നേതൃത്വം നല്കി. റെയ്ഡിൽ വടകര എക്‌സൈസ് റെയ്ഞ്ച് ഓഫീസിലെ സിവിൽ എക്സൈസ് ഓഫീസർമാരായ ഷിജിൻ. എ.പി , സനു. ടി ,ഡ്രൈവർ ബബിൻ എന്നിവർ പങ്കെടുത്തു.