മലപ്പുറം : മലപ്പുറത്ത് അനധികൃതമായി സൂക്ഷിച്ച തോക്കും തിരകളും കണ്ടെത്തി. പെരിന്തൽമണ്ണ ആനമങ്ങാടാണ് അനധികൃതമായി സൂക്ഷിച്ച തോക്കും തിരകളും കണ്ടെത്തിയത്. ഡിവൈഎസ്‌പിയുടെ നേതൃത്വത്തിലുള്ള പരിശോധനയിലാണ് ഒരു നാടൻ തോക്കും നാല് തിരകളും കണ്ടെത്തിയത്.

വ്യാജ മദ്യ പരിശോധനക്കിടെ എക്‌സൈസ് സംഘത്തിന് ലഭിച്ച വിവരം പൊലീസിൽ അറിയിക്കുകയായിരുന്നു. തുടർന്ന് നടത്തിയ പരിശോധനയിലാണ് ആളൊഴിഞ്ഞ പറമ്പിൽ നിന്ന് ആയുധങ്ങൾ ചാക്കിലാക്കിയ നിലയിൽ കണ്ടെത്തിയത്. ഒരു സ്‌കൂട്ടറും പരിസരത്ത് കണ്ടെത്തിയിട്ടുണ്ട്. സംഭവത്തിൽ പെരിന്തൽമണ്ണ പൊലീസ് കേസ് രജിസ്റ്റർ ചെയ്ത് പ്രതികൾക്കായി അന്വേഷണം ആരംഭിച്ചു.



തോക്ക് തിരമലപ്പുറം