കർണാടകത്തിലെ ഷിമോഗയിൽ സ്‌ഫോടനം; ക്വാറി പൊട്ടിക്കുന്നത്തിന് വേണ്ടിയുള്ള സ്‌ഫോടക വസ്തു നിറച്ച ലോറി പൊട്ടിത്തെറിച്ചുണ്ടായ അപകടത്തിൽ നിരവധി പേർ മരിച്ചതായി റിപ്പോർട്ട്: 15 കിലോമീറ്റർ ചുറ്റളവിൽ വരെ നാശനഷ്ടം: സമീപ ജില്ലയായ ചിക്കമംഗളൂരുവിലുൾപ്പെടെ വൻ സ്‌ഫോടന ശബ്ദം കേട്ടതായി റിപ്പോർട്ട്
ബെംഗളൂരു: കർണാടകത്തിലെ ഷിമോഗയിൽ വൻ സ്‌ഫോടനം. ഷിമൊഗയിലുള്ള ക്വാറി പൊട്ടിക്കുന്നത്തിന് വേണ്ടിയുള്ള സ്‌ഫോടക വസ്തു നിറച്ച ലോറി പൊട്ടിത്തെറിച്ചുണ്ടായ അപകടത്തിൽ നിരവധി പേർ മരിച്ചതായി റിപ്പോർട്ട്. ഇന്നലെ രാത്രി പത്തരയോടെ നടന്ന വൻസ്‌ഫോടനത്തിൽ ഒട്ടേറെ തൊഴിലാളികൾ കൊല്ലപ്പെട്ടെന്നു സംശയം. പ്രദേശം മുഴുവനും സ്‌ഫോടനത്തിൽ പ്രകമ്പനം കൊണ്ടതാായാണ് റിപ്പോർട്ട്.
15 കിലോമീറ്റർ ചുറ്റളവിൽ വരെ കെട്ടിടങ്ങൾക്കു നാശനഷ്ടമുണ്ടായി. മരണസംഖ്യ തിട്ടപ്പെടുത്താനായിട്ടില്ലെന്നും പ്രദേശം മുഴുവൻ ഉപരോധം ഏർപ്പെടുത്തി രക്ഷാപ്രവർത്തനം തുടങ്ങിയെന്നും പൊലീസ് പറഞ്ഞു. ക്രഷറിലേക്ക് സ്‌ഫോടകവസ്തുവുമായി വന്ന ലോറിയാണു പൊട്ടിത്തെറിച്ചതെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. സമീപ ജില്ലയായ ചിക്കമംഗളൂരിലും ഉത്തര കന്നഡയിലും വരെ സ്‌ഫോടന ശബ്ദം കേട്ടതായി നാട്ടുകാർ പറയുന്നു. ബിഹാറിൽ നിന്നുള്ള തൊഴിലാളികളാണ് കൊല്ലെപ്പെട്ടതെന്നാണു പ്രാഥമിക വിവരം.
