ആറു മാസം മുമ്പ് വിവാഹം; സംശയ രോഗം തുടങ്ങിയതോടെ ദാമ്പത്യത്തിൽ പ്രശ്‌നങ്ങൾ തുടങ്ങി; ഒടുവിൽ ഭാര്യയെ കഴുത്തറുത്തുകൊന്ന് ഷെഹീറിന്റെ ക്രൂരത; കോഴിക്കോട്ടെ കൊടിയത്തൂരിനെ നടുക്കി കൊല; ഷെഹീർ പൊലീസ് കസ്റ്റഡിയിൽ

കോഴിക്കോട്: കോഴിക്കോട് കൊടിയത്തൂരിൽ ഭർത്താവ് ഭാര്യയെ കഴുത്തറുത്തുകൊന്നു. കൊടിയത്തൂർ പഞ്ചായത്തിൽ ചെറുവാടി പഴ പറമ്പിൽ ഇന്ന് പുലർച്ചെയാണ് കൊലപാതകം നടന്നത്. മുഹ്സിനയാണ് കൊല്ലപ്പെട്ടത്. ഭർത്താവ് ഷെഹീറിനെ പൊലീസ് കസ്റ്റഡിയിലെടുത്തു. ആറ് മാസം മുമ്പാണ് ഇരുവരുടെയും വിവാഹം കഴിഞ്ഞത്. സംശയരോഗമാണ് കൊലപാതകത്തിലേക്ക് നയിച്ചത്. മുഹ്സിനയുടെ മൃതദേഹം കോഴിക്കോട് മെഡിക്കൽ കോളേജിലേക്ക് മാറ്റി.