74ാം ജന്മദിനം കുടുംബത്തോടൊപ്പം ആഘോഷിച്ച് ലാലു പ്രസാദ്; 'ലാലു കിച്ചൻ' ഒരുക്കി ആർജെഡി പ്രവർത്തകർ

പട്‌ന: ആർജെഡി അധ്യക്ഷൻ ലാലു പ്രസാദ് യാദവ് എഴുപത്തിനാലാം ജന്മദിനം കുടുംബത്തോടൊപ്പം ആഘോഷിച്ചു. ഡൽഹിയിൽ മകൾ മിസ ഭാരതി എംപിയുടെ വസതിയിലായിരുന്നു ആഘോഷം. ആർജെഡി സാമൂഹിക നീതി സദ്ഭാവനാ ദിനമായാണ് ബിഹാറിൽ പ്രവർത്തകർ ആചരിച്ചത്.

ബിഹാറിലെ എല്ലാ പഞ്ചായത്തുകളിലും ആർജെഡി പ്രവർത്തകർ 'ലാലു കിച്ചൻ' ഒരുക്കി പാവപ്പെട്ടവർക്ക് അന്നദാനം നടത്തിയാണു നേതാവിന്റെ ജന്മദിനം ആഘോഷിച്ചത്. കാലിത്തീറ്റ കുംഭകോണ കേസിൽ ജയിലിലായിരുന്ന ലാലുവിന് അടുത്തിടെയാണു ജാമ്യം ലഭിച്ചത്. കഴിഞ്ഞ മൂന്നു ജന്മദിനങ്ങളിലും ലാലു ജയിൽവാസത്തിലായിരുന്നു.