മലപ്പുറം സ്വദേശി മാലിദ്വീപിൽ കടലിൽ വീണ് മരിച്ചു; ദുരന്തമുണ്ടായത് അവധി കഴിഞ്ഞ് നാട്ടിൽ നിന്നും സൗദിയിലേക്കുള്ള യാത്രക്കിടെ; മരിച്ചത് ചങ്ങരംകുളം സ്വദേശി ഹാഷിം

മാലൈ: അവധി കഴിഞ്ഞ് സൗദി അറേബ്യയിലേക്കുള്ള മടക്കയാത്രക്കായി മാലിദ്വീപിലെത്തിയ മലയാളി കടലിൽ വീണ് മരിച്ചു. മലപ്പുറം ചങ്ങരംകുളത്തെ എരമംഗലം പുറ്റയങ്ങാട്ടേൽ അബൂബക്കർ ഹാജിയുടെ മകൻ ഹാഷിം (23) ആണ് മരിച്ചത്.

ധിഫ്യൂഷി ദ്വീപിന് സമീപമാണ് സംഭവമുണ്ടായത്.സൗദിയിലേക്ക് തിരിച്ചു പോകുന്നതിനായി ഏപ്രിൽ 19നാണ് ഇദ്ദേഹം മാലിയിലെത്തിയത്. മൃതദേഹം ശനിയാഴ്ച ഉച്ചയോടെയാണ് ധിഫ്യൂഷി ഐസ് പ്ലാന്റിന് സമീപം പൊലീസ് കണ്ടെത്തിയത്. മൃതദേഹം നാട്ടിലെത്തിക്കാനുള്ള ശ്രമം തുടരുകയാണ്.