പ്രധാനമന്ത്രി നരേന്ദ്ര മോദിയുടെ അമ്മയുടെ നിര്യാണത്തിൽ സൽമാൻ രാജാവും സൗദി കിരീടാവകാശിയും അനുശോചിച്ചു; നരേന്ദ്ര മോദിക്ക് അനുശോചന സന്ദേശം അയച്ചു

റിയാദ്: ഇന്ത്യൻ പ്രധാനമന്ത്രി നരേന്ദ്ര മോദിയുടെ മാതാവിന്റെ നിര്യാണത്തിൽ അനുശോചനം അറിയിച്ചു ലോക നേതാക്കൾ. വിവിധ ലോക നേതാക്കൾ പ്രധാനമന്ത്രി നരേന്ദ്ര മോദിയെ വിളിച്ചു അനുശോചനം അറിയിച്ചു. അമ്മ ഹീരാബെന്നിന്റെ നിര്യാണത്തിൽ സൗദി ഭരണാധികാരി സൽമാൻ രാജാവും കിരീടാവകാശി മുഹമ്മദ് ബിൻ സൽമാൻ രാജകുമാരനും അനുശോചനം അറിയിച്ചു. പ്രധാന മന്ത്രിയുടെ കുടുംബത്തോടും രാജ്യത്തോടും അഗാധമായ ദുഃഖവും അനുശോചനവും അറിയിക്കുന്നതായി പ്രധാനമന്ത്രിക്ക് അയച്ച സന്ദേശത്തിൽ സൽമാൻ രാജാവും കിരീടാവകാശിയും പറഞ്ഞു.

പ്രധാനമന്ത്രി നരേന്ദ്ര മോദിയുടെ അമ്മ ഹീരാബെന്നിന്റെ നിര്യാണത്തിൽ യുഎസ് പ്രസിഡന്റ് ജോ ബൈഡൻ ഉൾപ്പെടെയുള്ള ലോകനേതാക്കൾ അനുശോചനം അറിയിച്ചിരുന്നു. 99ാമത്ത വയസ്സിലാണ് പ്രധാനമന്ത്രിയുടെ അമ്മ ഹീരാബെൻ അന്തരിച്ചത്. വെള്ളിയാഴ്ച അഹമ്മദാബാദിലെ ആശുപത്രിയിൽ വച്ചായിരുന്നു ഹീരാ ബെന്നിന്റെ അന്ത്യനിമിഷങ്ങൾ.

'പ്രധാനമന്ത്രി നരേന്ദ്ര മോദിയുടെ അമ്മ ഹീരാബെൻ മോദിയുടെ നിര്യാണത്തിൽ ഞങ്ങൾ അഗാധവും ഹൃദയംഗമവുമായ അനുശോചനം അറിയിക്കുന്നു. ഈ സങ്കടകരമായ അവസരത്തിൽ പ്രധാമന്ത്രിയുടെ കുടുംബത്തിനൊപ്പം ഞങ്ങളുടെ പ്രാർത്ഥനകൾ.' പ്രസിഡന്റ് ബൈഡൻ ട്വിറ്ററിൽ കുറിച്ചു.