മലപ്പുറം: ഓടിക്കൊണ്ടിരുന്ന മിനി വാൻ കത്തി നശിച്ചു. മേലാറ്റൂർ- പെരിന്തൽമണ്ണ റോഡിൽ വെങ്ങൂരിലാണ് സംഭവം. പെയിന്റുമായി പോകുകയായിരുന്ന വാനാണ് കത്തി നശിച്ചത്. പുക ഉയരുന്നതു കണ്ട ഉടൻ തന്നെ ഡ്രൈവർ പുറത്തിറങ്ങി. അതിനാൽ വലിയ ദുരന്തമാണ് ഒഴിവായത്. ഷോർട്ട് സർക്യൂട്ടാണ് അപകടത്തിനിടയാക്കിയത് എന്നാണ് പ്രാഥമിക നിഗമനം.

പെയിന്റുൾപ്പെടെയുള്ള സാധനങ്ങളായതിനാൽ തീ ആളിക്കത്തി. വാൻ പൂർണമായും കത്തി നശിച്ചു. ഇന്ന് ഉച്ചയോടെയാണ് അപകടം. പെരിന്തൽമണ്ണയിൽ നിന്നു ഫയർ യൂണിറ്റെത്തി തീയണച്ചു.

 

 

അപകടംതീപിടിച്ചുപെയിന്റ്വാൻ