ദേശീയപാതയിൽ തളിപ്പുഴയിൽ ബൈക്കുകൾ കൂട്ടിയിടിച്ചു; രണ്ട് യുവാക്കൾക്ക് ഗുരുതര പരിക്ക്

വൈത്തിരി: ദേശീയപാതയിൽ വൈത്തിരിക്കടുത്ത് തളിപ്പുഴയിൽ ബൈക്കുകൾ കൂട്ടിയിടിച്ച് രണ്ടു യുവാക്കൾക്ക് ഗുരുതര പരിക്കേറ്റു. തളിപ്പുഴ ബസ് സ്റ്റോപ്പിന് മുൻവശത്ത് വെച്ച് ഇന്ന് ഉച്ചയോടെയാണ് അപകടം നടന്നത്.

അടിവാരം നൂറാംതോട് സ്വദേശി റോബിൻ റോയ്(26), പുല്ലൂരാംപാറ സ്വദേശി ഹേമന്ത്(34) എന്നിവർക്കാണ് പരിക്കേറ്റത്. ഹേമന്തിനെ കോഴിക്കോട് മെഡിക്കൽ കോളജിലും റോബിൻ റോയിയെ കോഴിക്കോട്ടെ സ്വകാര്യ ആശുപത്രിയിലും പ്രവേശിപ്പിച്ചു.