നാദാപുരത്ത് എസ് ഐയെ കയ്യേറ്റം ചെയ്ത അഞ്ച് പോപ്പുലർ ഫ്രണ്ടുകാർ അറസ്റ്റിൽ; പ്രതികൾക്കെതിരെ ചുമത്തിയത് ജാമ്യമില്ലാ വകുപ്പ്

നാദാപുരം: നാദാപുരം എസ് ഐ ആർ എൻ പ്രശാന്തിനെ കയ്യേറ്റം ചെയ്ത അഞ്ച് പോപ്പുലർ ഫ്രണ്ട് പ്രവർത്തകർ അറസ്റ്റിൽ.പേരോട് സ്വദേശികളായ വെല്ലോളി റാഷിദ് (38) ,കോടച്ചം വീട്ടിൽ ബഷീർ ,പീറ്റയിൽ റിയാസ്, ചെറിയ തുണ്ടിയിൽ അഷ്‌കർ, തൊടുവയിൽ അബ്ദുൾ ഹക്കീം എന്നിവരെയാണ്‌നാദാപുരം പൊലീസ് അറസ്റ്റ് ചെയ്തത്.

വെള്ളി രാവിലെ ഹാർത്താലിന്റെ മറവിൽ പേരോട് ടൗണിൽ വാഹനം തടയുന്നതായി വിവരം ലഭിച്ചതിനെ തുടർന്നാണ് കൺട്രോൾ റൂം സി ഐ രഞ്ജിത്ത് ,ആർ എൻ പ്രശാന്ത് എന്നിവർ പോരോട് വെച് അഞ്ച് പോപ്പുലർ ഫ്രണ്ട് പ്രവർത്തകരെ കസ്റ്റഡിയിലെടുത്തത്. പ്രതികളെ സ്റ്റേഷനിലേക്ക് മാറ്റാൻ ശ്രമിക്കുന്നതിനിടയിൽ എസ് ഐയുടെ യൂണിഫോമിലെ നെയിംബോർഡ് വലിച്ചു കീറി കൈയേറ്റത്തിന് ശ്രമിക്കുകയായിരുന്നു.

ഔദ്യോഗി കൃത്യനിർവ്വഹണം തസ്സപ്പെടുത്തി എസ് ഐയെ അക്രമിക്കാൻ ശ്രമിച്ചതിന് ജാമ്യമില്ലാ വകുപ്പ് പ്രകാരമാണ് പ്രതികൾക്കെതിരെ കേസ് രജിസ്റ്റർ ചെയ്തിരിക്കുന്നത്.