എറണാകുളം കുണ്ടന്നൂരില്‍ സ്‌കൂള്‍ ബസിന് തീപ്പിടിച്ചു; അപകടം വിദ്യാര്‍ഥികളെ കയറ്റാന്‍ പോകുംവഴിയായിരുന്നു അപകടം. ഫയര്‍ഫോഴ്‌സ് തീയണച്ചു
കൊച്ചി: എറണാകുളം കുണ്ടന്നൂരില്‍ സ്‌കൂള്‍ ബസിന് തീപ്പിടിച്ചു. വിദ്യാര്‍ഥികളെ കയറ്റാന്‍ പോകുംവഴിയായിരുന്നു അപകടം. ഫയര്‍ഫോഴ്‌സ് സ്ഥലത്തെത്തി തീയണച്ചു.
തേവര സേക്രഡ് ഹാര്‍ട് സ്‌കൂളിന്റെ ബസിനാണ് തീപിടിച്ചത്. കുണ്ടന്നൂര്‍, മരട് ഭാഗങ്ങളില്‍നിന്ന് വിദ്യാര്‍ഥികളെ എടുക്കാന്‍ പോകുന്നവഴിയാണ് ബസിന്റെ മുന്‍ഭാഗത്ത് പുക ഉയരുന്നത് ഡ്രൈവര്‍ കണ്ടത്. ഈ സമയം ബസില്‍ വിദ്യാര്‍ത്ഥികള്‍ ആരും ഉണ്ടായിരുന്നില്ല. വണ്ടിയിലുണ്ടായിരുന്ന ഫയര്‍ ഇക്സ്റ്റിങ്ഗ്വിഷര്‍ ഉപയോഗിച്ച് തീയണയ്ക്കാന്‍ ശ്രമിച്ചെങ്കിലും വാഹനത്തിലേക്ക് പെട്ടന്ന് തീ പടരുകയായിരുന്നു. ഉടന്‍തന്നെ ഡ്രൈവര്‍ പുറത്തിറങ്ങിയതിനാല്‍ പരിക്കുകളേല്‍ക്കാതെ രക്ഷപ്പെടുകയായിരുന്നു.
അതുവഴി വന്ന കുടിവെള്ള ടാങ്കറില്‍ പൈപ്പ് ഘടിപ്പിച്ച് സംഭവസ്ഥലത്തുണ്ടായിരുന്ന ട്രേഡ് യൂണിയന്‍ തൊഴിലാളികളാണ് ആദ്യം തീയണയ്ക്കാനുള്ള ശ്രമം നടത്തിയത്.
Next Story
