വയറുവേദനയെ തുടർന്ന് ശരത് പവാറിനെ ആശുപത്രിയിൽ പ്രവേശിപ്പിച്ചു; ബുധനാഴ്ച ശസ്ത്രക്രിയയ്ക്ക് വിധേയനാക്കും
- Share
- Tweet
- Telegram
- LinkedIniiiii
മുംബൈ: ശക്തമായ വയറുവേദനയെ തുടർന്ന് എൻസിപി അധ്യക്ഷനും മുൻ കേന്ദ്രമന്ത്രിയുമായ ശരത് പവാറിനെ ആശുപത്രിയിൽ പ്രവേശിപ്പിച്ചു. മുംബൈയിലെ ബ്രീച്ച് കാൻഡി ആശുപത്രിയിലാണ് അദ്ദേഹത്തെ പ്രവേശിപ്പിച്ചിരിക്കുന്നത്. അദ്ദേഹത്തെ ബുധനാഴ്ച ശസ്ത്രക്രിയയ്ക്ക് വിധേയനാക്കും.
ശരത് പവാറിന് സുഖമില്ലെന്നുള്ള കാര്യം എൻസിപി വക്താവ് നവാബ് മാലിക് ആണ് ട്വിറ്ററിലൂടെ അറിയിച്ചത്. കഴിഞ്ഞദിവസം കഠിനമായ വയറുവേദന അനുഭവപ്പെട്ടതിനെ തുടർന്ന് ശരത് പവാറിനെ ആശുപത്രിയിൽ എത്തിച്ചിരുന്നു. പരിശോധനയിൽ പിത്താശയത്തിൽ കല്ല് ഉണ്ടെന്ന് കണ്ടെത്തി. ഒരു അറിയിപ്പ് ഉണ്ടാകുന്നതു വരെ അദ്ദേഹത്തിന്റെ എല്ലാ പൊതു പരിപാടികളും മാറ്റി വച്ചതായി മാലിക് അറിയിച്ചിരുന്നു.
മറുനാടന് മലയാളി ബ്യൂറോ
Next Story