അല്ലിക്കൊപ്പം കടലിൽ കളിക്കുന്ന അച്ഛൻ; പൃഥ്വിരാജിന്റെയും മകളുടെയും ചിത്രങ്ങൾ പങ്കുവെച്ച് സുപ്രിയ; ഏറ്റെടുത്ത് ആരാധകർ
വളരെ ചുരുക്കം സന്ദർഭങ്ങളിലേ പൃഥ്വിരാജും സുപ്രിയയും മകൾ അല്ലി എന്നു വിളിപ്പേരുള്ള അലംകൃതയുടെ ചിത്രങ്ങൾ സോഷ്യൽ മീഡിയയിൽ പങ്കുവയ്ക്കാറുള്ളൂ. അല്ലിമോളുടെ മുഖം കാണിക്കുന്ന ചിത്രം പോലും പൃഥ്വി രണ്ട് വർഷം മുമ്പ് മാത്രമാണ് സോഷ്യൽ മീഡിയയിൽ പങ്കുവച്ചത്. ഇപ്പോൾ മകൾക്കൊപ്പമുള്ള മനോഹരമായ നിമിഷം പങ്കുവെക്കുകയാണ് താരം. അല്ലിക്കൊപ്പം കടലിൽ കളിക്കുന്ന ചിത്രമാണ് താരം പങ്കുവെച്ചത്. സൺഡേ ഫൺഡേ എന്ന അടിക്കുറിപ്പിൽ സുപ്രിയയാണ് ചിത്രം പങ്കുവെച്ചത്. തുടർന്ന പൃഥ്വിരാജ് ഇത് റീപോസ്റ്റ് ചെയ്യുകയായിരുന്നു.
സ്വിമ്മിങ് സ്യൂട്ടിൽ കടലിൽ കളിക്കുകയാണ് അല്ലി. മാസ്കും കൂളിങ് ഗ്ലാസും അണിഞ്ഞ് മകളുടെ അടുത്തു നിൽക്കുന്ന പൃഥ്വിരാജിനെയും ചിത്രത്തിൽ കാണാം. സുപ്രിയയാണ് ഡാഡയുടേയും അല്ലിയുടേയും മനോഹര നിമിഷം പകർത്തിയത്. സെപ്റ്റംബർ എട്ടിന് അല്ലിയുടെ ആറാം പിറന്നാളാണ്. അന്നെങ്കിലും അല്ലിയുടെ മുഖം കാണാനാകും എന്ന പ്രതീക്ഷയിലാണ് പൃഥ്വിയുടെ ആരാധകർ. കഴിഞ്ഞ പിറന്നാളിനും പൃഥ്വിയും സുപ്രിയയും അല്ലിയുടെ ചിത്രം പങ്കുവച്ചിരുന്നു.
ആടുജീവിതം ചിത്രീകരണം കഴിഞ്ഞ് ജോർദാനിൽ നിന്ന് മടങ്ങിയെത്തിയതിന് ശേഷം ഭാര്യ സുപ്രിയയ്ക്കും മകൾ അല്ലിക്കുമൊപ്പം ആഘോഷത്തിലാണ് പൃഥ്വിരാജ്. നീണ്ട നാളിന് ശേഷം ചെറിയ വെക്കേഷനിലാണ് പൃഥ്വിരാജും കുടുംബവും. കഴിഞ്ഞ ദിവസം വാഗമണിൽ നിന്നുള്ള ഒരു ചിത്രവും താരം പങ്കുവെച്ചിരുന്നു.
View this post on InstagramSunday Funday#ArabianSea#Daada& Ally#WaterBaby
A post shared by Supriya Menon Prithviraj (@supriyamenonprithviraj) on
