മഞ്ചേരിയിൽ 10.5 കിലോ കഞ്ചാവുമായി മൂന്ന് പേർ പിടിയിൽ; സംഘം പിടിയിലായത്, ഓണം സ്‌പെഷ്യൽ ഡ്രൈവിന്റെ ഭാഗമായ പരിശോധനയ്ക്കിടെ

മഞ്ചേരി: മഞ്ചേരിയിൽ പത്തര കിലോ കഞ്ചാവ് സഹിതം വീട്ടമ്മയും രണ്ട് യുവാക്കളും പിടിയിൽ. മഞ്ചേരി എക്‌സൈസ് സർക്കിൾ ഇൻസ്‌പെക്ടർ എ ആർ നിഗീഷും സംഘവുമാണ് പ്രതികളെ അറസ്റ്റ് ചെയ്തത്.

തമിഴ്‌നാട് തേനി കമ്പം ഉത്തമപാളയം വടക്ക് തറ വീഥിയിൽ രംഗനാഥന്റെ ഭാര്യ ഭാര്യ മുരുകേശ്വരി (38), തിരൂരങ്ങാടി വള്ളിക്കുന്ന് ചെട്ടിപ്പടി ബൈത്തുൽ ലാമിയ വീട്ടിൽ എൻ പി അമീർ(36), തിരൂരങ്ങാടി നെടുവ ചേരമംഗലം എളിമ്പാട്ടിൽ വീട്ടിൽ ഇടി അഷ്‌റഫ്.(43) എന്നിവരാണ് പിടിയിലായത്.

ഓണം സ്‌പെഷ്യൽ ഡ്രൈവിനോടാനുബന്ധിച്ചുള്ള പരിശോധനകളുടെ ഭാഗമായി മഞ്ചേരി നഗരം കേന്ദ്രീകരിച്ചു നടത്തിയ സംയുക്ത വാഹന പരിശോധനക്കിടയിലാണ് മൂവരും കുടുങ്ങിയത്. കഞ്ചാവ് കടത്താൻ ഉപയോഗിച്ച ഒരു ഹ്യുണ്ടായ് ഇയോൺ കാറും കസ്റ്റഡിയിലെടുത്തിട്ടുണ്ട്.