ബെയ്ജിങ്: ചൈനയിൽ അതിവേഗ തീവണ്ടി പാളം തെറ്റി ഡ്രൈവർ മരിച്ചു. ഏഴു യാത്രക്കാർക്കു പരിക്കേറ്റു. മണ്ണിടിച്ചിലാണ് അപകടത്തിനു കാരണമെന്നാണ് റിപ്പോർട്ടുകൾ.

തെക്കു പടിഞ്ഞാറൻ ചൈനയിലെ ഗിസൊ പ്രവിശ്യയിലാണ് അപകടമുണ്ടായത്. ഗിയാങ്ങിൽനിന്നു ഗുവാങ്സുവിലേക്കു പോവുകയായിരുന്ന ഡി 2809 ബുള്ളറ്റ് ട്രെയിൻ ആണ് അപകടത്തിൽപ്പെട്ടത്.

റോങജിയാങ് സ്റ്റേഷനിൽ വച്ച് പെട്ടെന്നുണ്ടായ മണ്ണിടിച്ചിലിൽ അതിവേഗ തീവണ്ടി പാളം തെറ്റുകയായിരുന്നു. ഡ്രൈവർ മരിച്ചതായി ചൈനയിലെ ഔദ്യോഗിക ചാനലായ സിസിടിവി അറിയിച്ചു.

തുരങ്കത്തിന്റെ പ്രവേശന കവാടത്തിൽ വച്ചാണ് അപകടമുണ്ടായത്. 136 യാത്രക്കാരാണ്, പാളം തെറ്റിയ ഏഴ്, എട്ട് കോച്ചുകളിൽ ഉണ്ടായിരുന്നത്.

അതിവേഗ ട്രെയിൻചൈനപാളം തെറ്റി

മറുനാടന്‍ മലയാളി

    മറുനാടന്‍ മലയാളി ബ്യൂറോ