അച്ഛനോടിച്ച കാറിനടിയിൽപെട്ട് 2 വയസ്സുകാരന് ദാരുണാന്ത്യം; അപകടം വീട്ടുമുറ്റത്ത് കാർ തിരിക്കുന്നതിനിടെ; അപകടത്തിൽ സഹോദരനും പരിക്ക്

മാനന്തവാടി: പിതാവ് കാർ തിരിക്കുന്നതിനിടെ ഡോർ തുറന്ന് കാറിനടിയിലേക്കു വീണ രണ്ടു വയസ്സുകാരനു ദാരുണാന്ത്യം. പാലക്കാട് ഡപ്യൂട്ടി ടൗൺ പ്ലാനർ കമ്മന കുഴിക്കണ്ടത്തിൽ രഞ്ജിത്തിന്റെയും ഐശ്വര്യയുടെയും മകൻ സാത്വിക് (2) ആണു മരിച്ചത്.

സഹോദരൻ സാരംഗിന് (8) അപകടത്തിൽ കൈക്കു പരുക്കേറ്റു. ഇരുവരെയും മാനന്തവാടിയിലെ വയനാട് മെഡിക്കൽ കോളജ് ആശുപത്രിയിൽ എത്തിച്ചുവെങ്കിലും സാത്വികിനെ രക്ഷിക്കാനായില്ല. ഞായറാഴ്ച വൈകിട്ടു വീട്ടുമുറ്റത്താണ് അപകടം.