യുഎഇയിൽ ഇന്ന് 865 പേർക്ക് കൂടി രോ​ഗബാധ; രാജ്യത്തെ കോവിഡ് കേസുകൾ 83,433 ആയി

അബുദാബി: യുഎഇയിൽ ഇന്ന് 865 പുതിയ കോവിഡ് കേസുകൾ കൂടി റിപ്പോർട്ട് ചെയ്തു. രോഗമുക്തരുടെ എണ്ണത്തിലും വർധനവുണ്ടായി. 673 പേരാണ് പുതുതായി രോഗമുക്തി നേടിയതെന്ന് ആരോഗ്യ രോഗപ്രതിരോധ മന്ത്രാലയം അറിയിച്ചു. 24 മണിക്കൂറിനിടെ രാജ്യത്ത് ഒരു കോവിഡ് മരണം കൂടി റിപ്പോർട്ട് ചെയ്തു. മരണസംഖ്യ 403 ആയി. 83,433 പേർക്കാണ് ആകെ കോവിഡ് സ്ഥിരീകരിച്ചിട്ടുള്ളത്. ആകെ രോഗമുക്തരായവരുടെ എണ്ണം 72,790 ആയി. നിലവിൽ 10,240 പേരാണ് ചികിത്സയിലുള്ളത്. 84 ലക്ഷത്തിലധികം കോവിഡ് പരിശോധനകളാണ് ഇതുവരെ രാജ്യത്ത് നടത്തിയിട്ടുള്ളത്.