അബുദാബി: യുഎഇയിൽ ഇന്ന് കോവിഡ് സ്ഥിരീകരിച്ചത് 1255 പേർക്ക്. ഇതോടെ രാജ്യത്ത് ഇതുവരെ കോവിഡ് സ്ഥിരീകരിക്കപ്പെട്ടവരുടെ എണ്ണം 1,81,405 ആയി. നാല് പേർ കൂടി കോവിഡ് ബാധിച്ച് മരിച്ചതായി ആരോഗ്യ - പ്രതിരോധ മന്ത്രാലയം അറിയിച്ചു. ചികിത്സയിലായിരുന്ന 657 പേർ രോഗമുക്തരാവുകയും ചെയ്‍തിട്ടുണ്ട്.

കഴിഞ്ഞ 24 മണിക്കൂറിനിടെ രാജ്യത്തുടനീളം നടത്തിയ 1,56,425 കോവിഡ് പരിശോധനകളിലൂടെയാണ് 1255 പുതിയ രോഗികളെ കണ്ടെത്തിയത്. യുഎഇയിലെ കോവിഡ് ബാധിതരിൽ 1,61,741 പേരാണ് ഇതിനോടകം രോഗമുക്തരായത്. 602 മരണങ്ങളും റിപ്പോർട്ട് ചെയ്യപ്പെട്ടു. നിലവിൽ 19,062 കോവിഡ് രോഗികളാണ് യുഎഇയിലുള്ളത്. 1.77 കോടിയിലധികം കോവിഡ് പരിശോധനകൾ രാജ്യത്ത് നടത്തിയിട്ടുണ്ട്. ചൈനീസ് കമ്പനിയായ സിനോഫാം വികസിപ്പിച്ചെടുത്ത കോവിഡ് വാക്സിന് യുഎഇ കഴിഞ്ഞ ദിവസം അംഗീകാരം നൽകിയിരുന്നു. ഇതേ തുടർന്ന് പൊതുജനങ്ങൾക്ക് വാക്സിനെടുക്കുന്നതിനായി അബുദാബിയിൽ രജിസ്‍ട്രേഷനും ആരംഭിച്ചു.

കോവിഡ്യുഎഇ

മറുനാടന്‍ ഡെസ്‌ക്‌

    മറുനാടന്‍ ഡെസ്‌ക്‌