ഭൂപതിവ് ചട്ടം ഭേദഗതി ചെയ്യാമെന്ന ഉറപ്പ് പാലിച്ചില്ല; ഇടുക്കിയിൽ നാളെ യുഡിഎഫ് ഹർത്താൽ

ഇടുക്കി: ഇടുക്കിയിൽ നാളെ യുഡിഎഫ് ഹർത്താൽ. രാവിലെ ആറ് മുതൽ വൈകീട്ട് ആറ് വരെയാണ് ഹർത്താൽ. ഭൂപതിവ് ചട്ടം ഭേദഗതി ചെയ്യാമെന്ന സർവ്വകക്ഷിയോഗത്തിലെ ഉറപ്പ് സർക്കാർ പാലിച്ചില്ലെന്നും ഇതിലൂടെ നിർമ്മാണ നിരോധനം ഉണ്ടായെന്നാണ് യുഡിഎഫ് ആരോപണം. ഹർത്താലെങ്കിലും നിർബന്ധിച്ച് കടകൾ അടക്കുകയോ,വാഹനങ്ങൾ തടയുകയോ ചെയ്യില്ലെന്നാണ് സമരക്കാർ പറയുന്നത്. നിയോജകമണ്ഡലം കേന്ദ്രങ്ങളിൽ പ്രതിഷേധ ജാഥ സംഘടിപ്പിക്കുമെന്നും യുഡിഎഫ് നേതാക്കൾ അറിയിച്ചു. അതേസമയം തെരഞ്ഞെടുപ്പ് മുന്നിൽ കണ്ടുള്ള തട്ടിപ്പ് മാത്രമാണ് ഹർത്താലെന്നാണ് എൽഡിഎഫ് വിമർശനം.