കേരളത്തിൽ പാർട്ടി കെട്ടിപ്പടുക്കുന്നതിൽ നിർണായക പങ്ക് വഹിച്ച ഗൗരിയമ്മ ചരിത്രത്തിന്റെ ഭാഗമെന്ന് വി എസ്; മരണവാർത്ത ദുഃഖത്തോടെയാണ് ശ്രവിച്ചത്; അനുശോചനം രേഖപ്പെടുത്തി വി എസ് അച്യുതാനന്ദൻ

തിരുവനന്തപുരം: ഗൗരിയമ്മയുടെ നിര്യാണവാർത്ത ദുഃഖത്തോടെയാണ് ശ്രവിച്ചതെന്ന് മുന്മുഖ്യമന്ത്രി വി എസ് അച്യുതാനന്ദൻ. കേരളത്തിൽ പാർട്ടി കെട്ടിപ്പടുക്കുന്നതിൽ നിർണായക പങ്കുവഹിച്ച ഗൗരിയമ്മ കേരള ചരിത്രത്തിന്റെ തന്നെ ഭാഗമാണെന്നും അച്യുതാനന്ദൻ ഫേസ്‌ബുക്ക് കുറിപ്പിൽ പറഞ്ഞു.

വ്യക്തിപരമായി ഏറെ അടുപ്പം പുലർത്തിയിരുന്ന ഗൗരിയമ്മയുടെ നിര്യാണത്തിൽ അഗാധമായ ദുഃഖവും അനുശോചനവും രേഖപ്പെടുത്തുന്നുവെന്നും അച്യുതാനന്ദൻ പറഞ്ഞു.

വി എസ് അച്യുതാനന്ദന്റെ ഫേസ്‌ബുക്ക് പോസ്റ്റ്

ഗൗരിയമ്മയുടെ നിര്യാണവാർത്ത അതീവ ദുഃഖത്തോടെയാണ് ശ്രവിച്ചത്. കേരളവും അങ്ങനെതന്നെയാവും. കേരളത്തിൽ പാർട്ടി കെട്ടിപ്പടുക്കുന്നതിൽ നിർണായക പങ്കുവഹിച്ച ഗൗരിയമ്മ കേരള ചരിത്രത്തിന്റെതന്നെ ഭാഗമാണ്. വ്യക്തിപരമായി ഏറെ അടുപ്പം പുലർത്തിയിരുന്ന ഗൗരിയമ്മയുടെ നിര്യാണത്തിൽ അഗാധമായ ദുഃഖവും അനുശോചനവും രേഖപ്പെടുത്തുന്നു. അന്തിമാഭിവാദനങ്ങൾ.