കള്ളപ്പണം വെളുപ്പിക്കൽ കേസ് ; ബിനീഷ് കോടിയേരി വീണ്ടും ജാമ്യാപേക്ഷ സമർപ്പിച്ചു

ബെംഗളൂരു: കള്ളപ്പണം വെളുപ്പിക്കൽ കേസിൽ ബിനീഷ് കോടിയേരി വീണ്ടും ജാമ്യാപേക്ഷ നൽകി. ബെംഗളൂരു സിറ്റി സെഷൻസ് കോടതിയിലാണ് ഇന്നലെ ബിനീഷ് ജാമ്യാപേക്ഷ നൽകിയത്.

ബെംഗളൂരു മയക്കുമരുന്ന് കേസ് രണ്ടാം പ്രതി മുഹമ്മദ് അനൂപുമായി നടത്തിയ സാമ്പത്തിക ഇടപാടുകളിൽ നടത്തിയ അന്വേഷണത്തിലാണ് ബിനീഷിനെ അറസ്റ്റ് ചെയ്തത്.

ഒക്ടോബർ 29 നാണ് ബിനീഷ് കോടിയേരിയെ അറസ്റ്റ് ചെയ്തത്. 7 വർഷത്തെ കണക്കുകളിൽ ബിനീഷ് വിവിധ ബാങ്ക് അക്കൗണ്ടുകളിലൂടെ 5.17 കോടി രൂപയുടെ ഇടപാട് നടത്തിയിട്ടുണ്ടെന്നും, ഇതിൽ 1.22 കോടി രൂപയ്ക്ക് മാത്രമാണ് ആദായ നികുതി റിട്ടേൺ സമർപ്പിച്ചതെന്നുമാണ് ഇഡിയുടെ കണ്ടെത്തൽ. ബാക്കി തുകയുടെ ഉറവിടം മയക്കുമരുന്ന് ഇടപാടാണെന്നു ഇഡി പറഞ്ഞു.