ടോയ്‌ലെറ്റെന്നു കരുതി പുറത്തേക്കുള്ള വാതിൽ തുറന്നു ; 10 വയസ്സുകാരൻ ട്രെയിനിൽ നിന്നും താഴേക്ക് വീണു; മലപ്പുറം സ്വദേശിക്ക് ദാരുണാന്ത്യം

കോട്ടയം : പത്തുവയസുകാരൻ ട്രെയിനിൽ നിന്നു വീണു മരിച്ചു. മലപ്പുറം മമ്പാട് പുള്ളിപ്പാടം സിദ്ദിഖിന്റെ മകൻ മുഹമ്മദ് ഇഷാനാണ് മരിച്ചത്. ടോയ് ലെറ്റ് വാതിലെന്നു കരുതി പുറത്തേക്കുള്ള വാതിൽ തുറന്നതാണ് അപകടകാരണം. ഇന്നലെ രാത്രി 11.45 ന് മൂലേടം ഭാഗത്തു വച്ചായിരുന്നു അപകടം.

കൊച്ചുവേളിനിലമ്പൂർ റോഡ് രാജ്യറാണി എക്സ്‌പ്രസിൽ കുടുംബത്തോടൊപ്പം യാത്ര ചെയ്യുകയായിരുന്നു കുട്ടി. ഒരു വിവാഹത്തിൽ പങ്കെടുക്കാൻ തിരുവനന്തപുരത്തേക്ക് പോയ ശേഷം മടങ്ങുകയായിരുന്നു.

ശുചിമുറിയിൽ പോകാനായി ഇഷാൻ എണീറ്റു. ശുചിമുറിയുടെ വാതിലെന്നു കരുതി ട്രെയിനിന്റെ പുറത്തേക്കുള്ള വാതിൽ തുറക്കുകയായിരുന്നു. അപായ ചങ്ങല വലിച്ച് ട്രെയിൻ നിർത്തി. കുട്ടിയെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.