വീണ്ടും പാൻ ഇന്ത്യൻ ചിത്രവുമായി ദുൽഖർ സൽമാൻ; പിറന്നാൾ ദിനത്തിൽ പ്രഖ്യാപിച്ചത് 'ലക്കി ഭാസ്‌കർ' എന്ന ചിത്രം; സിനിമ ഒരുങ്ങുന്നത് തെലുങ്കിലും മലയാളത്തിലും ഹിന്ദിയിലും
മുംബൈ: പിറന്നാൾ ദിനത്തിൽ സൂപ്പർതാരം ദുൽഖർ സൽമാന്റെ പുതിയ പാൻ ഇന്ത്യൻ ചിത്രത്തിന്റെ ടൈറ്റിൽ പ്രഖ്യാപിച്ചു. സിത്താര എന്റെർറ്റൈന്മെന്റ്‌സ് നിർമ്മിച്ച് വെങ്കി അറ്റ്‌ലൂരി സംവിധാനം ചെയ്യുന്ന ചിത്രത്തിന് നൽകിയിരിക്കുന്ന പേര് 'ലക്കി ഭാസ്‌കർ' എന്നാണ്. സീതാരാമത്തിന്റെ വൻ വിജയത്തിന് ശേഷം ദുൽഖർ തെലുങ്കിൽ അഭിനയിക്കുന്ന ചിത്രമാണ് ലക്കി ഭാസ്‌കർ.
ധനുഷിനെ നായകനാക്കി ഒരുക്കിയ 'വാത്തി'യുടെ വലിയ വിജയത്തിന് ശേഷമെത്തുന്ന വെങ്കി അറ്റ്‌ലൂരി ചിത്രമെന്ന പ്രത്യേകതയുമുണ്ട്. സൂര്യദേവര നാഗ വംശിയും സായ് സൗജന്യയും ചേർന്ന് സിത്താര എന്റർടെയ്ന്മെന്റ്‌സിന്റെയും ഫോർച്യൂൺ ഫോർ സിനിമാസിന്റെയും ബാനറുകളിൽ ആണ് ബിഗ് ബജറ്റ് ചിത്രമായ ലക്കി ഭാസ്‌കർ നിർമ്മിക്കുന്നത്. ശ്രീകര സ്റ്റുഡിയോസാണ് ചിത്രം അവതരിപ്പിക്കുന്നത്.
വാത്തി'യിലെ സൂപ്പർഹിറ്റ് ഗാനങ്ങളൊരുക്കിയ ജിവി പ്രകാശ് കുമാറാണ് ലക്കി ഭാസ്‌കറിന് സംഗീതമൊരുക്കുന്നത്. ദേശീയ പുരസ്‌കാര ജേതാവായ എഡിറ്റർ നവീൻ നൂലിയാണ് എഡിറ്റിങ് നിർവഹിക്കുന്നത്. ചിത്രത്തിന്റെ അണിയറപ്രവർത്തകർ ഇവരാണ്.രചനയും സംവിധാനവും: വെങ്കി അറ്റ്‌ലൂരി, സംഗീതം: ജി വി പ്രകാശ് കുമാർ, എഡിറ്റർ: നവീൻ നൂലി, കലാസംവിധാനം: വിനീഷ് ബംഗ്ലാൻ, പി ആർ ഓ പ്രതീഷ് ശേഖർ.
