മുൻ മിസ് കേരള അൻസി കബീറും റണ്ണറപ്പ് അഞ്ജനയും കാറപകടത്തിൽ മരിച്ചു; അപകടം എറണാകുളം ബൈപ്പാസ് റോഡിൽ അർധരാത്രിയോടെ; അപകടത്തിൽ ബൈക്ക് യാത്രികനടക്കം മൂന്ന് പേർക്ക് പരിക്ക്; പരിക്കേറ്റ ഒരാളുടെ നില ഗുരുതരം; കാർ മറിഞ്ഞത് ബൈക്കിനെ രക്ഷിക്കാനുള്ള ശ്രമത്തിനിടെ

കൊച്ചി: വാഹനാപകടത്തിൽ മിസ് കേരള 2019 അൻസി കബീർ, മിസ് കേരള 2019 റണ്ണർ അപ്പ് അഞ്ജന ഷാജൻ എന്നിവർക്ക് വാഹനാപകടത്തിൽ അപകടത്തിൽ ദാരുണ അന്ത്യം. ഇന്നലെ അർധരാത്രി ഒരുമണിയോടെയാണ് സംഭവം.

ഇവർ സഞ്ചരിച്ചിരുന്ന കാർ എറണാകുളം ബൈപ്പൈസ് റോഡിൽ ഹോളിഡേ ഇൻഹോട്ടലിനു മുന്നിൽ വച്ചാണ് അപകടത്തിൽ പെട്ടത്.ബൈക്കുമായി കൂട്ടിയിക്കാതിരിക്കാൻ പെട്ടെന്നു വെട്ടിച്ചതാണ് അപകടമുണ്ടാക്കിയത് എന്നാണ് പൊലീസ് നൽകുന്ന വിവരം. സംഭവ സ്ഥലത്തു വച്ചു തന്നെ ഇരുവരും മരിച്ചു.

തിരുവനന്തപുരം ആറ്റിങ്ങൽ ആലങ്കോട് സ്വദേശിനിയാണ് അൻസി കബീർ. തൃശൂർ സ്വദേശിനിയാണ് അഞ്ജന ഷാജൻ.നാലുപേരാണ് വാഹനത്തിലുണ്ടായിരുന്നത്. ഒപ്പമുണ്ടായിരുന്ന രണ്ടുപേരിൽ ഒരാളുടെ അവസ്ഥ ഗുരുതരമാണ്. ഇരുവരും എറണാകുളം മെഡിക്കൽ സെന്ററിൽ ചികിത്സയിലുണ്ട്. മരിച്ച രണ്ടുപേരുടെയും മൃതദേഹങ്ങളും ഇവിടെ സൂക്ഷിച്ചിട്ടുണ്ട്.