വർക്കലയിൽ ഭർത്താവ് ഭാര്യയെ കുത്തിക്കൊന്നു; കൊലപാതകം കുടുംബ വഴക്കിനെത്തുടർന്നെന്ന് നിഗമനം; ഭർത്താവ് പൊലീസ് കസ്റ്റഡിയിൽ

തിരുവനന്തപുരം: വർക്കല ഇടവയിൽ ഭർത്താവ് ഭാര്യയെ കുത്തി കൊലപ്പെടുത്തി. വർക്കല ഇടവ ശ്രീയേറ്റിൽ ഷാഹിദ (60) ആണ് കൊല്ലപ്പെട്ടത്. ഭർത്താവ് സിദ്ദിഖ് പൊലീസ് കസ്റ്റഡിയിലാണ്.

ഇന്ന് രാവിലെ 5നും 6.30നും ഇടയ്ക്കാണ് സംഭവം.കുടുംബവഴക്കിനെ തുടർന്നാണ് ഭർത്താവ് സിദ്ദിഖ്, ഷാഹിദയെ കുത്തി കൊന്നതെന്നു പൊലീസ് പറഞ്ഞു. ഷാഹിദയും സിദ്ദിഖും വീട്ടിൽ സ്ഥിരം വഴക്കായിരുന്നു.

ഷാഹിദയുടെ വയറിലും കഴുത്തിലുമാണ് സിദ്ദിഖ് കത്തികൊണ്ട് കുത്തിയത്. സംഭവ സ്ഥലത്തെത്തിയ പൊലീസ് ഷാഹിദയെ വർക്കല താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം വർക്കല താലൂക്ക് ആശൂപത്രിയിൽനിന്നും മെഡിക്കൽ കോളജിലേക്ക് മാറ്റി.