ജയ്പുർ: രാജസ്ഥാൻ മുഖ്യമന്ത്രി അശോക് ഗെഹ്ലോട്ടിന് കോവിഡ് സ്ഥിരീകരിച്ചു. കഴിഞ്ഞ ദിവസം അദ്ദേഹത്തിന്റെ ഭാര്യയ്ക്ക് വൈറസ് ബാധ കണ്ടെത്തിയിരുന്നു. പിന്നാലെ അദ്ദേഹവും നീരീക്ഷണത്തിൽ കഴിയുകയായിരുന്നു.

പരിശോധനാ ഫലം പോസിറ്റീവായ കാര്യം അദ്ദേഹം തന്നെയാണ് ട്വിറ്ററിലൂടെ വെളിപ്പെടുത്തിയത്. 'ഇന്ന് നടത്തിയ കോവിഡ് പരിശോധനയിൽ എന്റെ ഫലം പോസിറ്റീവ് ആണ്. രോഗ ലക്ഷണങ്ങൾ ഒന്നും തന്നെയില്ല. മറ്റ് കുഴപ്പങ്ങളുമില്ല. സുഖമായി തന്നെ ഇരിക്കുന്നു. കോവിഡ് പ്രോട്ടോക്കോൾ പാലിച്ച് ക്വാറന്റൈനിൽ തുടരും'- കോവിഡ് പോസിറ്റീവായ കാര്യം പറഞ്ഞുള്ള ട്വീറ്റിൽ അദ്ദേഹം വ്യക്തമാക്കി.

69കാരനായ ഗെഹ്ലോട്ടിന്റെ ഭാര്യ സുനിത ഗെഹ്ലോട്ടിന് കഴിഞ്ഞ ദിവസം കോവിഡ് സ്ഥിരീകരിച്ചിരുന്നു. പിന്നാലെയാണ് അശോക് ഗെഹ്ലോട്ടും അസുഖബാധിതനായത്

 

അശോക് ഗെഹ്ലോട്ട്മുഖ്യമന്ത്രിരാജസ്ഥാൻ