ന്യൂനപക്ഷ സ്‌കോളർഷിപ്പ് വിഷയം കോൺഗ്രസ് രാഷ്ട്രീയ കാര്യസമിതി ചർച്ച ചെയ്യണമെന്ന് കെ.മുരളീധരൻ; ഇടതുമുന്നണിയിലും ഈ വിഷയത്തിൽ ഒരേ അഭിപ്രായമല്ല; തുറന്നുപറയാൻ എല്ലാവർക്കും ഭയമെന്നും എം പി

തിരുവനന്തപുരം: ന്യൂനപക്ഷ സ്‌കോളർഷിപ്പ് വിഷയം കോൺഗ്രസ് രാഷ്ട്രീയകാര്യ സമിതി ചർച്ച ചെയ്യണമെന്ന് കെ. മുരളീധരൻ എംപി. ഒറ്റയ്ക്കുള്ള അഭിപ്രായങ്ങൾ അല്ല ഈ വിഷയത്തിൽ വേണ്ടതെന്നും അദ്ദേഹം പറഞ്ഞു.

ഈ വിഷയത്തിൽ ഒരേ അഭിപ്രായമല്ല ഇടതുമുന്നണിയിലുള്ളത്. പക്ഷെ എതിർപ്പുയർത്താൻ അവിടെ അഭിപ്രായ സ്വാതന്ത്ര്യം ഇല്ലെന്നും അദ്ദേഹം പരിഹസിച്ചു. യു.ഡി.എഫിൽ എല്ലാവർക്കും അഭിപ്രായ സ്വാതന്ത്ര്യം ഉണ്ടെന്നും എന്നാൽ എൽ.ഡി.എഫിൽ ജന്മി-കുടിയാൻ ബന്ധമാണെന്നും കെ. മുരളീധരൻ പറഞ്ഞു.