മൂന്നാർ: തൊഴിലുറപ്പു ജോലിക്കിടെ സ്ത്രീയെ പുലി ആക്രമിച്ചു. ഷീല ഷാജിയെന്ന തൊഴിലാളിയാണ് ആക്രമിക്കപ്പെട്ടത്. തലയ്ക്ക് പരിക്കേറ്റ ഷീലയെ മൂന്നാറിലെ ആശുപത്രിയിൽ പ്രവേശിപ്പിച്ചു. വൈകീട്ട് മൂന്നോടെയായിരുന്നു സംഭവം. പഴയ മൂന്നാറിൽ ചെക്ക് ഡാം നിർമ്മാണത്തിൽ ഏർപ്പെട്ടിരിക്കെയായിരുന്നു ഷീലയടക്കമുള്ള തൊഴിലാളികൾ. ഡാം നിർമ്മാണത്തിനുള്ള കല്ല് ശേഖരിക്കുന്നതിനിടെ ഷീലയടക്കം നാലു പേർ പുലിയുടെ മുന്നിൽപ്പെടുകയായിരുന്നു.

പിന്തിരിഞ്ഞോടുന്നതിനിടെ ഏറ്റവും പിന്നിലായിരുന്ന ഷീലയെ ആക്രമിക്കുകയായിരുന്നു. ഷീലയുടെ മുടിക്കുത്തിൽ പുലിക്ക് പിടുത്തം കിട്ടിയെങ്കിലും തൊഴിലാളികൾ ഒച്ച വച്ചതോടെ ഇത് ഓടിപ്പോവുകയായിരുന്നു. പുലിയുടെ നഖം കൊണ്ടാണ് ഷീലയ്ക്ക് പരിക്കേറ്റത്. അതേസമയം, പ്രദേശത്ത് പുലിയുടെ ആക്രമണം പതിവായതിനെതിരെ വനപാലകർക്കെതിരെ പ്രതിഷേധവുമായി സിപിഐ, എ.ഐ.വൈ.എഫ് പ്രവർത്തകർ രംഗത്തെത്തി. വനപാലകരുടെ വാഹനം തടഞ്ഞാണ് ഇവർ പ്രതിഷേധിച്ചത്.

 

ആക്രമണംപുലിമുന്നാർ

മറുനാടന്‍ മലയാളി

    മറുനാടന്‍ മലയാളി ബ്യൂറോ