കാസർകോട്: കൂടെ താമസിച്ചിരുന്നയാൾക്ക് വിഷം നൽകിയതിന് ശേഷം 45കാരി വിഷം കഴിച്ച് മരിച്ചു. കാഞ്ഞങ്ങാടിന് സമീപം ആവിക്കരയിലാണ് സ്ത്രീയെ വീടിനുള്ളിൽ വിഷം കഴിച്ച് മരിച്ച നിലയിൽ കണ്ടെത്തിയത്.

രമയാണ് മരിച്ചത്. കൂടെ താമസിക്കുന്ന ജയപ്രകാശ് നാരായണൻ എന്നയാളെ അവശ നിലയിലാണ് വീടിനുള്ളിൽ കണ്ടെത്തിയത്. ഇയാളെ കണ്ണൂർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. രമ തനിക്ക് വിഷം നൽകിയെന്നും പിന്നീട് രമയും വിഷം കഴിച്ചെന്നുമാണ് ജയപ്രകാശിന്റെ മൊഴി.

ഹോട്ടൽ തൊഴിലാളിയാണ് വയനാട് സ്വദേശിയായ ജയപ്രകാശ്. ദീർഘനാളായി ഇരുവരും ഒരുമിച്ചാണ് താമസിക്കുന്നത്. ഹൊസ്ദുർഗ് പൊലീസ് അന്വേഷണം ആരംഭിച്ചു.

 

ആത്മഹത്യകാഞ്ഞങ്ങാട്‌യുവതി