കൊച്ചി: കളമശ്ശേരിയിലെ ഇടത് സ്ഥാനാർത്ഥി പി.രാജീവിനെതിരെ വീണ്ടും പ്രതിഷേധം. പി.രാജീവിനെ സ്ഥാനാർത്ഥിയാക്കരുതെന്ന് ആവശ്യപ്പെട്ട് പോസ്റ്ററുകൾ പതിച്ചിരിക്കുകയാണ്. സക്കീർ ഹുസൈനിന്റെ ഗോഡ്ഫാദറിനെ കളമശ്ശേരിക്ക് വേണ്ടെന്നാണ് പോസ്റ്ററിൽ പറയുന്നത്. കളമശ്ശേരി നഗരസഭ ഓഫീസിന് മുന്നിലാണ് പോസ്റ്ററുകൾ പതിച്ചിരിക്കുന്നത്. പുലർച്ചയാണ് പോസ്റ്റർ പ്തിച്ചത്. പോസ്റ്ററുകൾ പതിച്ച് അല്പസമയത്തിനകം തന്നെ കീറി കളഞ്ഞിട്ടുണ്ട്.

പോസ്റ്റർ പ്രതിഷേധത്തിന് പിന്നിൽ സിപിഎം പ്രവർത്തകരല്ലെന്നാണ് നേതൃത്വത്തിന്റെ നിലപാട്. പ്രതിഷേധത്തെ ഗൗരവത്തിലെടുക്കേണ്ടതില്ലെന്നാണ് നേതൃത്വം പറയുന്നത്. ഇന്ന് ചേരുന്ന ജില്ലാ സെക്രട്ടറിയേറ്റ് യോഗം പ്രതിഷേധം ചർച്ച ചെയ്യും. കെ.ചന്ദ്രൻപിള്ളയ്ക്ക് കളമശ്ശേരി സീറ്റ് നൽകാത്തതാണ് പ്രതിഷേധത്തിന് കാരണം.

 

കളമശ്ശേരിപി രാജീവ്