പാലക്കാട് യുവാവ് കുത്തേറ്റ് മരിച്ചു; കൊലപാതകത്തിന് പിന്നിൽ വ്യക്തിവൈരാഗ്യമെന്ന് പൊലീസ്; മരിച്ചത് കല്ലുവഴി സ്വദേശി ദിലീപ്

പാലക്കാട്: പൂക്കോട്ടുകാവ് കല്ലുവഴിയിൽ യുവാവ് കുത്തേറ്റ് മരിച്ചു. കല്ലുവഴി കിണാശ്ശേരിയിൽ ദിലീപാണ് മരിച്ചത്. പ്രതി ശ്രീനു മോനെ പൊലീസ് അറസ്റ്റ് ചെയ്തു. വ്യക്തിവൈരാഗ്യമാണ് കൊലപാതക കാരണമെന്ന് പൊലീസ് പറഞ്ഞു.

ഇന്ന് ഉച്ചതിരിഞ്ഞ് മൂന്നരയോടെയാണ് സംഭവം. കല്ലുവഴി സെന്ററിൽ വച്ചാണ് ദിലീപിന് കുത്തേറ്റത്. കല്ലുവഴി സെന്ററിൽ ബസ് കാത്തുനിന്ന ദിലീപിനെ ബൈക്കിലെത്തിയ ശ്രീനു മോൻ കുത്തി കൊലപ്പെടുത്തുകയായിരുന്നുവെന്ന് പൊലീസ് പറഞ്ഞു.

ദിലീപിന്റെ വയറിനും, കഴുത്തിലുമാണ് കുത്തേറ്റത്. കുത്തേറ്റ ദിലീപിനെ ഒറ്റപ്പാലത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.