മെക്‌സിക്കോയിൽ റെയിൽവെ പാലം റോഡിലേക്ക് തകർന്നുവീണു; 20 പേർ മരിച്ചു, 49 പേർക്ക് ഗുരുതര പരിക്ക്

മെക്‌സിക്കോ സിറ്റി: മെക്‌സിക്കോയിൽ റെയിൽവെപ്പാലം തകർന്നുവീണ് 20 പേർ മരിച്ചു. അപകടത്തിൽ 49 പേർക്ക് ഗുരുതരമായി പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചു.

തിരക്കുള്ള റോഡിലേക്കാണ് പാലം തകർന്നുവീണത്. സംഭവത്തിന്റെ സിസിടിവി ദൃശ്യങ്ങൾ മെക്‌സിക്കൻ ചാനലുകൾ പുറത്തുവിടുന്നുണ്ട്.

അപകടം നടന്ന ഉടൻ തന്നെ രക്ഷാപ്രവർത്തനങ്ങൾ ആരംഭിച്ചു. 10 വർഷം മുമ്പ് നിർമ്മിച്ച റെയിൽവെ പാലമാണ് തകർന്നുവീണത്.