ജനങ്ങൾക്ക് വേണ്ടത് ജീവിതവുമായി ബന്ധമുള്ള രാഷ്ട്രീയം; കോൺഗ്രസ് പ്രവർത്തകർക്കായി രാഷ്ട്രീയ പഠന സ്‌കൂൾ തുടങ്ങും: കെ സുധാകരൻ

തിരുവനന്തപുരം: ി ജനങ്ങൾക്ക് വേണ്ടത് ജീവിതവുമായി ബന്ധമുള്ള രാഷ്ട്രീയമാണെന്നും കോൺഗ്രസ് പ്രവർത്തകർക്കായി രാഷ്ട്രീയ പഠന സ്‌കൂൾ തുടങ്ങുമെന്നും കെപിസിസി അധ്യക്ഷൻ കെ സുധാകരൻ.

സംഘടനാതലത്തിൽ കോൺഗ്രസിന് രാഷ്ട്രീയപഠനമില്ല. മൂന്ന് മേഖലകളിലായാവും രാഷ്ട്രീയ പഠന സ്‌കൂളുകൾ തുടങ്ങുക. കൊച്ചിയിലും കോഴിക്കോട്ടും ഇതിനായി സ്ഥലം കണ്ടെത്തിയെന്നും ഒരു ന്യൂസ് ചാനൽ സംഘടിപ്പിച്ച ക്ലബ് ഹൗസ് ചർച്ചയിൽ അദ്ദേഹം പറഞ്ഞു.

ബിജെപിയിലേക്ക് പോകുമെന്നത് നുണപ്രചാരണമാണ്. എത്രയോ കാലമായി സിപിഎം തനിക്കെതിരെ ഇക്കാര്യം പറയുന്നതാണ്. ആചാരണ സംരക്ഷണത്തിൽ കോടതി ഇടപെടുന്നത് ശരിയല്ല. സ്ത്രീ പുരുഷ സമത്വവും ആചാര സംരക്ഷണവും രണ്ടാണെന്നും സുധാകരൻ അഭിപ്രായപ്പെട്ടു.